З канца лютага ААТ "Магатэкс" перапрафілявала швейную вытворчасць на выраб шматразовых павязак для твару. На гэты час магілёўскае прадпрыемства, яго філіялы ў Кобрыне, Полацку і Быхаве вырабляюць сродкі індывідуальнай аховы. У планах у бліжэйшы час нарасціць аб'ёмы да 80 тыс. павязак за суткі. Цяпер наладжана ўласная вытворчасць марлі, а таксама выраб павязак з марлі і бавоўна- і віскозазмяшчальнай тканін. Вырабленыя на "Магатэкс" сродкі індывідуальнай аховы пастаўляюцца для продажу ў аптэкі РУП "Фармацыя".
На здымку: у час шыцця масак з тканіны швачка Лілія Міхалюк