Мабільная версія
ДЗЯРЖОРГАНЫ

Апошнія навіны
Усе навіны
Генадзь Салавей

Задача мясцовай улады - падтрымаць жаданне людзей развіваць фермерскую гаспадарку

Меркаванні 16.10.2019 | 15:49
Генадзь Салавей Генадзь Салавей Старшыня Гомельскага аблвыканкама

Задача мясцовай улады - падтрымаць жаданне людзей развіваць фермерскую гаспадарку. Такое меркаванне выказаў старшыня Гомельскага аблвыканкама Генадзь Салавей у час прамой тэлефоннай лініі і прыёму грамадзян у Жыткавіцкім раёне, перадае карэспандэнт БЕЛТА.

Напрамак для канструктыўнай размовы на гэту тэму задаў Сяргей Адамовіч з вёскі Пухавічы. Ён прасіў вырашыць пытанне з выдзяленнем участка з сельскагаспадарчых зямель для развіцця фермерскай гаспадаркі. Размова аб гектары зямлі, дзе ён плануе вырошчваць буякі. Нагледзеў ідэальны для выбранай культуры варыянт, аднак зямля знаходзіцца ва ўласнасці аднаго з мясцовых прадпрыемстваў.

"Вырошчванне буякоў - нялёгкая праца. Разам з тым гэта знакавая для Гомельскай вобласці культура, якая садзейнічае вывядзенню з арганізма радыенуклідаў. Важна і трэба гэтым займацца. Ёсць жаданне ў чалавека працаваць на зямлі - трэба даць яму такую магчымасць. Важна падтрымаць яго", - акцэнтаваў увагу губернатар. Ён даручыў адпаведным службам прапанаваць мужчыну ўзаемавыгадны варыянт. Тэрмін - два тыдні.

Адразу некалькі тэм агучыла жыхарка райцэнтра Надзея Лядвік. Яна перажывала наконт тэрмінаў тэрмарэнавацыі дома, у якім жыве ўжо 35 гадоў. Жанчыну запэўнілі, што, згодна з зацверджанай у райвыканкаме праграмай, яе дом ёсць у спісах на ўцяпленне на 2019-2020 гады.

Акцэнтавала ўвагу заяўніца і на адсутнасці ў гарадской паліклініцы ўрача-эндакрынолага. Як расказалі ў райвыканкаме, дадатковае навучанне прайшоў урач агульнай практыкі, які цяпер можа кансультаваць і ў якасці эндакрынолага. Вызначаны дзень, калі ён будзе прымаць менавіта па гэтым профілі.

Гаварыла жанчына і аб паляпшэнні вулічнага асвятлення ў зоне для заняткаў скандынаўскай хадзьбой. Як удакладнілі ў райвыканкаме, створана і добраўпарадкавана сцежка здароўя для актыўных грамадзян. "Я не скаржніца. Не толькі для сябе прашу, больш для людзей", - сказала жыхарка райцэнтра. У райвыканкаме цэняць актыўную пазіцыю жанчыны. Аператыўна рэагуюць на яе звароты, якія дапамагаюць добраўпарадкоўваць райцэнтр і робяць жыццё людзей яшчэ больш камфортным.

Тэму стварэння адзінай гісторыка-патрыятычнай канцэпцыі і праграмы маштабных мерапрыемстваў узняў кіраўнік беларускага ваенна-гістарычнага клубнага аб'яднання "Гонар мундзіра" Уладзімір Колат. Губернатар даручыў прапрацаваць маштабную праграму на год, у якую будуць уключаны і мерапрыемствы з удзелам ВГКА.

Паводле слоў Генадзя Салаўя, у вобласці вялікая ўвага ўдзяляецца захаванню памяці і патрыятычнаму выхаванню моладзі. Сёння ў рэгіёне прапрацоўваюцца некалькі гісторыка-патрыятычных праектаў па стварэнні месцаў памяці вызваліцеляў рэгіёна ад нямецка-фашысцкіх захопнікаў. Напярэдадні 75-годдзя Перамогі ў Вялікай Айчыннай вайне гэты аспект набывае асаблівае гучанне.

Жыхарка Турава выступіла з ініцыятывай заслухаць справаздачу дэпутата Палаты прадстаўнікоў аб праведзенай рабоце за скліканне. Народны выбраннік балаціруецца паўторна, таму сувязь на гэтым этапе важна і для яго, і для людзей. Генадзь Салавей адказаў, што асабіста звяжацца з дэпутатам і пасадзейнічае арганізацыі сустрэчы.

Усяго ў час прамой тэлефоннай лініі да губернатара звярнуліся 11 чалавек. Практычна ў кожным чацвёртым званку гучалі словы ўдзячнасці ў адрас мясцовых і абласных органаў улады за дапамогу ў вырашэнні надзённых праблем. Так, жыхарка аграгарадка Рычоў Галіна Ляўкавец падзякавала за падтрымку ва ўзвядзенні моста цераз раку Сцвігу.

Таксама былі агучаны пытанні добраўпарадкавання дваровых тэрыторый і дарожнай гаспадаркі, развіцця гандлёвай сеткі, упарадкавання збору і вывазу смецця ў прыватным сектары. Па кожным з іх дадзены даручэнні і абазначаны тэрміны вырашэння праблем.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Галасаванне на выбарах дэпутатаў Палаты прадстаўнікоў Датэрміновае галасаванне на выбарах дэпутатаў Палаты прадстаўнікоў Нацыянальнага сходу Беларусі сёмага склікання пройдзе з 12 па 16 лістапада ўключна.