Мабільная версія
ДЗЯРЖОРГАНЫ

Апошнія навіны
Усе навіны
Іван Лаўрыновіч

Прыёмы грамадзян у раёнах паказваюць сваю эфектыўнасць

Меркаванні 28.05.2019 | 17:39
Іван Лаўрыновіч Іван Лаўрыновіч Памочнік Прэзідэнта Рэспублікі Беларусь - інспектар па Гродзенскай вобласці

Прыёмы грамадзян і прамыя лініі ў малых населеных пунктах паказваюць сваю эфектыўнасць, практыку іх правядзення неабходна прадоўжыць. Такое меркаванне выказаў памочнік Прэзідэнта - інспектар па Гродзенскай вобласці Іван Лаўрыновіч у час прыёму грамадзян па асабістых пытаннях у Воранаўскім раёне, перадае карэспандэнт БЕЛТА. Прыём і прамая тэлефонная лінія былі арганізаваны 28 мая ў Радунскім сельскім савеце.

"Важна праводзіць прамыя лініі і сустрэчы з людзьмі не толькі ў гарадах і раённых цэнтрах, але і ў такіх невялікіх населеных пунктах. Гэта дае магчымасць эфектыўна вырашыць праблемы, убачыць сферы, якім трэба ўдзяліць больш увагі, - адзначыў Іван Лаўрыновіч. - Паступаюць пытанні рознага характару - ад добраўпарадкавання жылля і да міжасобасных адносін. Прыемна, што практычна ўсе пытанні, якія павінна вырашаць мясцовая ўлада, здымаюцца. Часам ім неабходна толькі падказаць або накіраваць. А праблемы, што патрабуюць умяшання абласной або рэспубліканскай улады, вядома, будуць узяты на кантроль".

У прыватнасці, па выніках сённяшняга прыёму дадзена даручэнне прапрацаваць у бягучым годзе пытанне з дадатковым прыпынкам у гарадскім пасёлку Радунь. Пакуль ёсць толькі адзін у пачатку населенага пункта, з іншага канца людзям даводзіцца ісці 2 км. Цяжка ў першую чаргу пенсіянерам, таму яны і звярнуліся па дапамогу. Дадаткова разгледзяць пытанне з добраўпарадкаваннем вуліц Захарэвіча і Асокіна ў Радуні, дзе, паводле слоў мясцовых жыхароў, трэба прывесці ў парадак пакрыццё і ўстанавіць вулічнае асвятленне.

Па выніках звароту пенсіянеркі з Радуні мясцовым уладам даручана неадкладна абследаваць і пры неабходнасці ўстараніць праблемы з дахам у адным з чатырохкватэрных дамоў па вуліцы Савецкай. У далейшым неабходна прыняць рашэнне аб рэканструкцыі або рамонце дома.

На прыём звярнуліся і двое інвестараў з Навагрудскага раёна. Уклаўшы каля $5 млн у будаўніцтва ветраэлекстрастанцый, яны не могуць нармальна эксплуатаваць чатыры ветракі з-за папяровай валакіты і рознай трактоўкі заканадаўства. Пытанне будзе ўзята на кантроль. Іван Лаўрыновіч адзначыў, што ведамствам неабходна прыняць адзінае кіраўніцкае рашэнне, каб не запавольваць развіццё альтэрнатыўнай энергетыкі.

Па іншых пытаннях, якія ў тым ліку датычацца падключэння электраэнергіі да былога бацькоўскага дома ў адной з вёсак, выкупу службовага жылля, пошуку работы, усім, хто пазваніў на прамую лінію, таксама былі дадзены канкрэтныя адказы і растлумачэнні. З некаторымі зваротамі будуць працаваць мясцовыя ўлады.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.