Акцыя накіравана на прыцягненне ўвагі людзей да праблемы глабальнага пацяплення і заклікае заставацца неабыякавымі да будучыні планеты.
"Гадзіна Зямлі" - штогадовая міжнародная падзея, якая праводзіцца Сусветным фондам дзікай прыроды (WWF) у апошнюю суботу сакавіка, адзначылі ў экатаварыстве "Зялёная сетка".
Штогод у экалагічнай акцыі прымае ўдзел не толькі сталіца, але і рэгіёны Беларусі. Так, 300 жыхароў аграгарадка Верцялішкі сталі яе ўдзельнікамі, сярод якіх прадстаўнікі прафсаюзнай арганізацыі, грамадскіх аб'яднанняў "Белая Русь" і "БРСМ", СВК "Прагрэс-Верцялішкі" і Верцялішкаўскай сярэдняй школы. Да мерапрыемства далучыліся работнікі Верцялішкаўскага цэнтра культуры і дашкольнага цэнтра развіцця дзіцяці.-0-