24 лютага, Мінск /Кар. БЕЛТА/. За 2022 год аснашчаны і перааснашчаны тэхнікай 233 жывёлагадоўчыя прадпрыемствы Беларусі. Аб гэтым журналістам падчас падагульнячай калегіі Міністэрства сельскай гаспадаркі і харчавання паведаміў намеснік прэм'ер-міністра Леанід Заяц, перадае карэспандэнт БЕЛТА.
"Акрамя таго, у 2022 годзе мы ўклалі грошы ў мадэрнізацыю нашых асноўных магутнасцей. Так, падвергліся тэхнічнаму перааснашчэнню і аснашчэнню 233 жывёлагадоўчыя прадпрыемствы нашай краіны. На шасці свінагадоўчых комплексах, якія ўведзены ў строй, у бягучым годзе плануем дадаткова атрымаць 24 тыс. т мяса. На двух птушкагадоўчых прадпрыемствах у Мінскай і Віцебскай абласцях таксама дадаткова атрымаем 8 тыс. т мяса", - сказаў Леанід Заяц.
Ён дадаў, што па даручэнні кіраўніка дзяржавы на працягу 2023-2024 гадоў стаіць задача пабудаваць у кожнай вобласці Беларусі па 10 малочнатаварных комплексаў.
"Гэта дасць магчымасць дабавіць колькасць дойнага статка і павялічыць колькасць пагалоўя буйной рагатай жывёлы. У выніку гэта добра паўплывае на вытворчасць прадукцыі жывёлагадоўлі і на павелічэнне загрузкі нашых магутнасцей, бо нам яшчэ неабходна дабавіць 3 млн т малака для таго, каб цалкам загрузіць свае магутнасці. Так, у 2023 годзе на 39 новых малочных фермах мы будзем дадаткова атрымліваць 127 тыс. т малака, - падкрэсліў намеснік прэм'ер-міністра. - Упэўнены, што наша прадукцыя будзе карыстацца попытам не толькі на тэрыторыі нашай краіны, але і за яе межамі".-0-
