16 жніўня, Мінск /Кар. БЕЛТА/. Вытворчасць у горназдабыўной прамысловасці Беларусі за студзень-ліпень вырасла на 2,2 працэнта, паведамілі БЕЛТА ў Нацыянальным статыстычным камітэце.
У цэлым прамвытворчасць у Беларусі за студзень-ліпень скарацілася на 6,2 працэнта. За гэты перыяд аб'ём прамысловай вытворчасці склаў Br95,2 млрд, або ў супастаўных цэнах 93,8 працэнта да ўзроўню аналагічнага перыяду 2021 года. Вытворчасць у апрацоўчай прамысловасці знізілася на 7,1 працэнта.
Па такім відзе эканамічнай дзейнасці, як забеспячэнне электраэнергіяй, газам, парай, гарачай вадой і кандыцыянаваным паветрам, вытворчасць скарацілася на 2,66 працэнта, а ў водазабеспячэнні, зборы, апрацоўцы і выдаленні адходаў, дзейнасці па ліквідацыі забруджванняў - на 1,4 працэнта.-0-
