17 лютага, Мінск /Кар. БЕЛТА/. ВУП Беларусі ў студзені 2020 года знізіўся на 1,9 працэнта ў параўнанні са студзенем мінулага года, паведамляе БЕЛТА са спасылкай на даныя Нацыянальнага статыстычнага камітэта.
Аб'ём ВУП у бягучых цэнах склаў амаль Br10,4 млрд.
Як паведамлялася, адным з ключавых паказчыкаў эфектыўнасці работы ўрада на 2020 год з'яўляецца рост валавога ўнутранага прадукту на 2,8 працэнта. Паводле прагнозаў, у першым квартале рост ВУП павінен скласці 0,7 працэнта (1,6 працэнта ў першым паўгоддзі, 2,2 працэнта - у студзені-верасні, 2,8 працэнта - па выніках года).
У 2019 годзе ВУП Беларусі вырас на 1,2 працэнта ў параўнанні з 2018-м.-0-
