ДЗЯРЖОРГАНЫДЗЯРЖОРГАНЫ
Панядзелак, 28 верасня 2020
Мінск Воблачна з праясненнямі +13°C
Усе навіны
Усе навіны
Эканоміка
03 жніўня 2020, 18:26

Ураджайнасць збожжавых у Беларусі вышэйшая за мінулагоднюю - Гракун

Фота з архіва
Фота з архіва

3 жніўня, Мінск /Кар. БЕЛТА/. Ураджайнасць збожжавых у Беларусі вышэйшая за мінулагоднюю, паведаміў сёння журналістам намеснік міністра сельскай гаспадаркі і харчавання Уладзімір Гракун, перадае карэспандэнт БЕЛТА.

"Збожжавыя сёння ўбраны з больш як 40 працэнтаў плошчы. Намалочана 3,39 млн т збожжа пры сярэдняй ураджайнасці 38,4 ц/га. Ураджайнасць вышэйшая за ўзровень мінулага года (на аналагічную дату было 32,5 ц/га. - Заўвага БЕЛТА). Першынство ва ўборцы - у сельгаспрадпрыемстваў Брэсцкай вобласці (практычна 60 працэнтаў). У гэтым жа рэгіёне нарыхтавалі больш за ўсё збожжа на гэты час - звыш 840 тыс. т пры ўраджайнасці 41,7 ц/га. Але самая высокая ўраджайнасць сёння ў сельгаспрадпрыемстваў Гродзенскай вобласці - больш за 50 ц/га", - сказаў Уладзімір Гракун.

Намеснік міністра адзначыў важнасць тэхналогій для атрымання добрага ўраджаю збожжавых і нарыхтоўкі кармоў. Неабходна ў аптымальны тэрмін праводзіць сяўбу, уносіць мінеральныя ўгнаенні, выконваць ахоўныя мерапрыемствы, якасна нарыхтоўваць. "Цяпер мы плюсуем да мінулага года 2,67 ц кармавых адзінак на адну ўмоўную галаву жывёлы. Акрамя таго, на гэту дату нарыхтавана больш сенажу, чым у 2019-м", - адзначыў ён.

Лён выцераблены на 28,8 тыс. га (59,1 працэнта ўборачнай плошчы). Другі ўкос траў у Беларусі праведзены на 708,1 тыс. га (86,5 працэнта ад плана). Нарыхтавана 647,6 тыс. т сена (64,1 працэнта ад плана), 12,257 млн ​​т сенажу (97,3 працэнта) і 503,9 тыс. т сіласу (2,63 працэнта).

Усяго ў гэтым годзе плануецца атрымаць 9,3 млн т адзінак травяных кармоў, прычым найбольшая доля прыпадае на Мінскую і Брэсцкую вобласці. Да гэтага часу нарыхтавана 41,5 працэнта ад плана. Сіласу плануецца нарыхтаваць амаль 19,2 млн т, сенажу - 12,6 млн т (у тым ліку ў палімерную ўпакоўку 1,1 млн т), сена - 1,01 млн т.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі