ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Эканоміка
01 снежня 2022, 09:59

У цэху ММЗ уведзена ў эксплуатацыю сучаснае італьянскае абсталяванне

Фота ММЗ
Фота ММЗ

1 снежня, Мінск /Кар. БЕЛТА/. На Мінскім маторным заводзе прадаўжаецца паступальная мадэрнізацыя вытворчасці. Абнаўленне абсталявання запланавана ў большасці цэхаў, паведамілі карэспандэнту БЕЛТА ў прэс-службе прадпрыемства.

У эксперыментальным цэху Мінскага маторнага ўведзена ў эксплуатацыю сучаснае абсталяванне італьянскай вытворчасці. Спецыяльны арбітальны шліфавальны станок з лічбавым праграмным кіраваннем прызначаны для апрацоўкі карэнных і шатунных шыек каленчатага вала, кулачкоў і шыек размеркавальных валоў розных рухавікоў, у першую чаргу малалітражных.

Як расказалі ў эксперыментальным цэху, цяпер новы станок задзейнічаны на апрацоўцы карэнных шатунных шыек каленчатых валоў малалітражных рухавікоў MMZ-3LD. Гэта вельмі актуальна, паколькі апошнім часам значна ўзраслі аб'ёмы вытворчасці і рэалізацыі "троек". Старое абсталяванне проста не справілася б з такімі аб'ёмамі.

Прадукцыйнасць новага станка ў 1,5 раза вышэйшая: замест 5 каленчатых валоў ён апрацоўвае 8-9 штук у змену. Якасць апрацоўкі на парадак вышэйшая, форма паверхні апрацаванай дэталі практычна ідэальная.

У аддзеле галоўнага металурга - таксама новае сучаснае абсталяванне - ручны лазерны 3D-сканер ScanTech TrackScan P42. Устройства прызначана для выкарыстання ў рэверс-інжынірынгу (адваротным праектаванні), арганізацыі кантролю якасці на вытворчасці, кантролі геаметрыі, стварэнні новых прадуктаў.

Тэхналогія трохмернага лазернага сканіравання, аптычны трэкер і каардынатна-вымяральная машына даюць магчымасць атрымаць дакладныя даныя з любых паверхняў. "Гэты 3D-сканер мае выдатную прадукцыйнасць, высокую скорасць сканіравання і некалькі рэжымаў работы. Вобласць захопу дае магчымасць працаваць з аб'ектамі сярэдняй і вялікай велічыні. Дадатковае абсталяванне ў камплекце дапамагае атрымліваць даныя аб аб'ектах з розным рэльефам з высокай дакладнасцю", - паведамілі ў ММЗ.

Лазер у гэтым сканеры мае II клас бяспекі і не аказвае негатыўнага ўплыву на зрок спецыялістаў, якія з ім працуюць. "3D-сканер, безумоўна, ужо ўнёс станоўчыя змяненні ў шэраг тэхналагічных працэсаў ММЗ", - адзначылі на прадпрыемстве.

Мінскі маторны завод - вытворца сучасных дызельных, газадызельных, газапоршневых рухавікоў. Спецыялізуецца на распрацоўцы, праектаванні і вырабе сучасных трох-, чатырох-, шасці - і васьміцыліндравых рухавікоў. На заводзе выпускаецца больш за 100 мадыфікацый рухавікоў у дыяпазоне магутнасці ад 7 кВт да 330 кВт, прызначаных для ўстаноўкі на сельскагаспадарчую, дарожна-будаўнічую тэхніку, аўтамабілі і аўтобусы, энергаўстаноўкі, кампрэсары і іншыя агрэгаты. Рухавікі ММЗ пастаўляюцца на канвееры 49 прадпрыемстваў Беларусі, краін СНД і далёкага замежжа, прадукцыя прадаецца ў больш як 50 краін Еўропы, Азіі, Афрыкі, Паўночнай і Лацінскай Амерыкі. Пры вытворчасці рухавікоў выкарыстоўваюцца камплектуючыя сусветна вядомых кампаній.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі