Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Сусветны банк выдзеліць 90 млн еўра на мадэрнізацыю школ у малых гарадах і вёсках Беларусі

Эканоміка 19.04.2019 | 18:10

19 красавіка, Мінск /Кар. БЕЛТА/. Савет выканаўчых дырэктараў Сусветнага банка зацвердзіў дадатковае фінансаванне ў памеры 90 млн еўра для прадаўжэння мадэрнізацыі школ і аснашчэння іх абсталяваннем, а таксама паляпшэння якасці навучання школьнікаў, што ажыццяўляецца ў рамках праекта па мадэрнізацыі сістэмы адукацыі Беларусі. Адпаведная інфармацыя размешчана на сайце банка, паведамляе БЕЛТА.

Як адзначаецца, за кошт дадатковага фінансавання праект будзе пашыраны, каб у агульнай колькасці 65 тыс. школьнікаў з малых гарадоў, сёл і вёсак па ўсёй Беларусі маглі вучыцца ў адрамантаваных школах з новым лабараторным абсталяваннем. Акрамя таго, у асобных школах будуць створаны цэнтры інавацыйнай адукацыі для садзейнічання сумеснаму навучанню і развіццю прыродазнаўчанавуковай адукацыі.

Праект, у прыватнасці, дапаможа Беларусі ацаніць, наколькі паспяхова дзеці засвойваюць вучэбную праграму, лічаць спецыялісты.

Пры падтрымцы Сусветнага банка ў 2018 годзе Беларусь упершыню прыняла ўдзел у міжнароднай праграме АЭСР па ацэнцы адукацыйных дасягненняў навучэнцаў (PISA). Дадатковае фінансаванне дасць Беларусі магчымасць прыняць удзел у даследаванні PISA ў 2021 і 2024 гадах, а таксама правесці больш комплексны аналіз рэзультатаў тэсціравання.

Папярэднія інвестыцыі і адукацыйныя праграмы, якія падтрымліваюцца Сусветным банкам у Беларусі, ужо дэманструюць станоўчыя вынікі. У 2015 годзе Беларусь выкарыстала грант Фонду інстытуцыянальнага развіцця (ФІР) Сусветнага банка для апрабацыі ў школах фінансавання ў разліку на аднаго навучэнца. Улічваючы поспех эксперымента, з 2019 года ўрад Беларусі пачаў укараняць гэту мадэль фінансавання ў сярэдніх агульнаадукацыйных школах па ўсёй краіне.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.