Рэйд па магазінах: МАРГ правёў маніторынг папулярнай гандлёвай сеткі

28 ліпеня, Мінск /Кар. БЕЛТА/. З улікам зваротаў спажыўцоў у праект "Народны кантроль" супрацоўнікі Міністэрства антыманапольнага рэгулявання і гандлю (МАРГ) правялі маніторынг аб'ектаў гандлёвай сеткі "Гіпа", у час якога ўстаноўлены парушэнні заканадаўства ў галіне гандлю, абароны правоў спажыўцоў, паведамілі БЕЛТА ў прэс-службе ведамства.

Так, у гандлёвым аб'екце аграгарадка Сеніца рэалізоўваліся тавары са скончаным тэрмінам годнасці (каўбасныя вырабы, кандытарскія вырабы, зеляніна, пятрушка). Па гэтым факце вынесена прадпісанне аб прыпыненні рэалізацыі такіх тавараў, а юрыдычная асоба будзе прыцягнута да адміністрацыйнай адказнасці. Акрамя таго, устаноўлены факты невыканання абавязковага пераліку тавараў. Накіраваны рэкамендацыі па ліквідацыі выяўленых у ходзе маніторынгу парушэнняў.

Усяго ў ходзе праекта "Народны кантроль" спажыўцы выказалі сваё меркаванне аб стане каля 400 гандлёвых аб'ектаў па ўсёй краіне ў тым ліку: "Еўраопт / Хіт / Грошык" - 39 , "Дабраном / Маяк / Капеечка" - 24 працэнты, "Санта" - 14 працэнтаў, "Суседзі / Чыстыя крыніцы / Наваколле" - 9 працэнтаў.

Найбольшую актыўнасць праявілі жыхары Мінска (36 працэнтаў) і Гродзенскай вобласці (29 працэнтаў). Апытанне прадаўжаецца да 10 жніўня.-0-