13 лютага, Мінск /Кар. БЕЛТА/. Завяршэнне падрыхтоўкі праекта праграмы развіцця канкурэнцыі запланавана на снежань 2019 года. Аб гэтым ішла размова сёння на калегіі Міністэрства антыманапольнага рэгулявання і гандлю, перадае карэспандэнт БЕЛТА.
У час работы над праектам праграмы ў 2018 годзе праведзены агляд заканадаўства ў сферы канкурэнцыі і рэгулявання асобных галін - электрасувязь, энергетыка, газазабеспячэнне, авіяперавозкі пасажыраў, грузавыя чыгуначныя перавозкі, страхаванне (перастрахаванне).
Упершыню будзе разлічаны індыкатар рэгулявання рынкаў тавараў і паслуг для Беларусі (PMR). "Гэты індэкс рыхтуецца па методыцы Арганізацыі эканамічнага супрацоўніцтва і развіцця. Гэта вялікая работа завершана, АЭСР рыхтуе індэкс, які будзе агучаны ў канцы вясны", - растлумачыла кіраўнік прадстаўніцтва Міжнароднай фінансавай карпарацыі ў Беларусі Вольга Шчарбіна (МФК дапамагае ў падрыхтоўцы праекта праграмы).
Ключавым элементам праекта праграмы стане распрацоўка дарожных карт па асобных галінах эканомікі, дзе ёсць мэтанакіраванасць і неабходнасць развіцця канкурэнцыі для павышэння эфектыўнасці эканомікі.-0-