ДЗЯРЖОРГАНЫДЗЯРЖОРГАНЫ
Флаг Серада, 28 верасня 2022
Мінск +10°C
Усе навіны
Усе навіны
Эканоміка
21 верасня 2022, 19:09

Новыя прадпрыемствы і выгадныя кантракты. Чым завяршыўся візіт беларускай дэлегацыі ў Башкортастан

21 верасня, Уфа /Кар. БЕЛТА/. Завяршыўся візіт урадавай дэлегацыі Беларусі ў Башкортастан, паведамляе карэспандэнт БЕЛТА.

Вынікам насычаных на бізнес-сустрэчы і перагаворы двух дзён работы беларусаў у Башкортастане стаў важкі пералік падпісаных дакументаў. У гэтыя дні таксама атрымалі старт два важнейшыя праекты: ва Уфе пачалася актыўная фаза будаўніцтва завода па вытворчасці машын і абсталявання для пасляўборачнай апрацоўкі збожжа ААТ "АМКАДОР" і адкрыўся дылерскі цэнтр па продажы і абслугоўванні тэхнікі Мінскага аўтазавода.

Як адзначыў генеральны дырэктар ААТ "МАЗ" Валерый Іванковіч, дылерскі цэнтр ва Уфе будзе садзейнічаць павелічэнню продажаў прадукцыі МАЗа ў гэтым рэгіёне. "Продажы, я думаю, пойдуць актыўна. Гэтаму будзе садзейнічаць і тая дарожная карта, якая склалася па выніках паездкі кіраўніка Башкортастана ў Беларусь у снежні 2021 года. Сёння ўсе кропкі расстаўлены, узмоцнены тыя пазіцыі, па якіх мы павінны працаваць. Мы адкрылі дылерскі цэнтр і на сёння павялічваем рэалізацыю. У нас узгоднена работа па лакалізацыі ў прасоўванні сумеснай тэхнікі (камунальны напрамак і ўборка). І яшчэ адзін напрамак - пасажырская тэхніка: тралейбусы, аўтобусы", - расказаў генеральны дырэктар.

Таксама паміж ААТ "МАЗ" - ККХ "БЕЛАЎТАМАЗ" і ТАА "УРАЛМАШ" падпісаны кантракт, які прадугледжвае пастаўку 50 аўтамабіляў Мінскага аўтамабільнага завода на 250 млн расійскіх рублёў. Яшчэ адно пагадненне МАЗ заключыў з башкірскай кампаніяй "Чырвоны пралетарый". Дакумент аб супрацоўніцтве, які вязе дадому беларуская дэлегацыя, - гэта кантракт на пастаўку шын вытворчасці ААТ "Белшына" ў Башкортастан на суму 1,5 млрд расійскіх рублёў.

"Беларуснафта" і Міністэрства гандлю і паслуг Рэспублікі Башкортастан таксама вызначылі агульны напрамак супрацоўніцтва. Бакі падпісалі пагадненне аб намерах па праектаванні сеткі аўтазаправачных станцый на тэрыторыі Башкортастана.

Пагадненне аб супрацоўніцтве падпісана паміж Мінскім трактарным заводам і Міністэрствам сельскай гаспадаркі Рэспублікі Башкортастан. Размова ідзе аб арганізацыі паставак у 2023 годзе трактарнай тэхнікі для патрэб сельскай гаспадаркі Башкортастана.

Генеральны дырэктар МТЗ Віталь Воўк падкрэсліў, што супрацоўніцтва з Башкортастанам развіваецца дынамічна і з кожным годам Мінскі трактарны завод гатовы нарошчваць тэмпы. "У нас ёсць пагадненне па пастаўках - ад 50 адзінак тэхнікі ў наступным годзе да 200 кожны год, таму мы будзем нарошчваць аб'ёмы і тэмпы", - сказаў ён.

У бліжэйшы час, мяркуючы па выніках перагавораў, будзе развівацца і супрацоўніцтва ў галіне беспілотных авіяцыйных сістэм на тэрыторыі Башкортастана. Адпаведны дакумент падпісаны беларуска-кітайскім таварыствам "Авіяцыйныя тэхналогіі і комплексы" і АНА "Цэнтр стратэгічных распрацовак Рэспублікі Башкортастан".

Сёння ўрадавая дэлегацыя Беларусі прыбыла ў Казань. Заўтра ў прадстаўнікоў беларускіх міністэрстваў, ведамстваў і прадпрыемстваў запланаваны шэраг дзелавых перагавораў і сустрэч, якія, як плануецца, будуць садзейнічаць актывізацыі супрацоўніцтва паміж Рэспублікай Беларусь і Татарстанам.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі