14 студзеня, Мінск /Кар. БЕЛТА/. Нацыянальны банк растлумачыў прычыны перавышэння прагнозу па інфляцыі ў 2020 годзе. Агляд інфляцыі размешчаны на сайце Нацбанка, паведамляе БЕЛТА.
"Перавышэнне прагнознага параметра па выніках года абумоўлена аслабленнем беларускага рубля, пагаршэннем эканамічных настрояў і ростам інфляцыйна-дэвальвацыйных чаканняў, а таксама шокамі прапанавання на асобныя харчовыя тавары", - адзначаецца ў паведамленні Нацбанка.
У снежні 2020 года гадавы прырост спажывецкіх цэн перавысіў устаноўлены мэтавы параметр (не больш за 5 працэнтаў) і склаў 7,4 працэнта.
Базавая інфляцыя па выніках 2020 года склала 7,1 працэнта.
Адносна лістапада спажывецкія цэны ў снежні выраслі на 1,23 працэнта.-0-
