23 верасня, Мінск /Кар. БЕЛТА/. Міністэрства фінансаў выдзеліць з рэспубліканскага бюджэту Br190 тыс. для сховішчаў прадпрыемства "Экарэс". Адпаведная пастанова Савета Міністраў ад 18 верасня 2020 года нумар 544 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Савет Міністраў адобрыў перадачу ў IV квартале 2020 года Мінгарвыканкаму міжбюджэтнага трансферу ў памеры Br190 тыс. Гэтыя грошы будуць выдзелены са сродкаў, прадугледжаных у рэспубліканскім бюджэце на фінансаванне расходаў, звязаных са стыхійнымі бедствамі, аварыямі і катастрофамі.
Сродкі пойдуць на тэхнічнае ўмацаванне сховішчаў радыеактыўных адходаў "Экарэса", якія закансерваваны і выводзяцца з эксплуатацыі.-0-
