5 чэрвеня, Мінск /Кар. БЕЛТА/. Міністэрства энергетыкі Беларусі разлічвае на канструктыўны дыялог з расійскім бокам па пытаннях супрацоўніцтва ў газавай сферы, паведамілі карэспандэнту БЕЛТА ў прэс-службе Мінэнерга.
"Мінэнерга прадаўжае ўзаемадзеянне па пытаннях паставак прыроднага газу з Міністэрствам энергетыкі Расіі і кампаніяй "Газпрам". У першых чыслах чэрвеня Мінэнерга Беларусі накіравала пісьмо ў адрас старшыні праўлення кампаніі "Газпрам" Аляксея Мілера, у якім акрэслены ключавыя пытанні двухбаковага парадку дня і прапановы па іх абмеркаванні, у прыватнасці па ўмовах паставак газу ў 2020 годзе і методыцы цэнаўтварэння на газ з 1 студзеня 2021 года", - адзначылі ў прэс-службе.
"У пісьме падкрэсліваецца, што рознагалоссі па вызначэнні кошту пастаўляемага прыроднага газу з улікам яго каларыйнасці ўзніклі паміж суб'ектамі гаспадарання - ДВА "Белпалівагаз", ААТ "Нафтан" і ААТ "Газпрам трансгаз Беларусь", - праінфармавалі ў прэс-службе.
Для ўрэгулявання рознагалоссяў Міністэрства энергетыкі Беларусі адзначае неабходнасць прадастаўлення ААТ "Газпрам трансгаз Беларусь" у ДВА "Белпалівагаз" методыкі вызначэння фактычнай сярэднямесячнай цеплаты згарання прыроднага газу з метралагічным пацвярджэннем яе прыдатнасці ў адпаведнасці з заканадаўствам Беларусі.
"Міністэрства энергетыкі Беларусі са свайго боку гатова забяспечыць аператыўны разгляд гэтай методыкі ДВА "Белпалівагаз", - дадалі ў прэс-службе Мінэнерга.-0-
