16 студзеня, Мінск /Кар. БЕЛТА/. З 1 студзеня 2021 года налічэнне амартызацыі праводзіцца ў звычайным парадку, правядзенне пераацэнкі асноўных сродкаў - па рашэнні арганізацыі, паведамілі БЕЛТА ў Міністэрстве эканомікі.
У 2020 годзе амартызацыю дазволілі не налічаць для пераадолення негатыўных наступстваў пандэміі. Цяпер тэрмін дзеяння такога права скончыўся, у далейшым налічэнне амартызацыі праводзіцца ў агульнапрынятым парадку.
Пры гэтым арганізацыі, якія рэалізуюць інвестпраекты, маюць права на часовую адтэрміноўку па налічэнні амартызацыі на працягу трох гадоў з даты ўводу ў эксплуатацыю аб'ектаў асноўных сродкаў.
Правядзенне пераацэнкі асноўных сродкаў, даходных укладанняў у матэрыяльныя актывы, абсталявання да ўстаноўкі на 1 студзеня 2021 года не з'яўляецца абавязковым. Пераацэнка праводзіцца па рашэнні арганізацыі або ўласніка яе маёмасці.
Парадак правядзення пераацэнкі замацаваны Інструкцыяй аб парадку пераацэнкі асноўных сродкаў, даходных укладанняў у матэрыяльныя актывы, абсталявання да ўстаноўкі, зацверджанай пастановай міністэрстваў эканомікі, фінансаў, архітэктуры і будаўніцтва ад 5 лістапада 2010 года нумар 162/131/37.-0-
