ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -1°C
Усе навіны
Усе навіны
Эканоміка
24 лістапада 2022, 14:09

МАРГ: напал страсцей па пытаннях цэнавага рэгулявання пагас

Фота з архіва
Фота з архіва

24 лістапада, Брэст /Кар. БЕЛТА/. Напал страсцей па пытаннях цэнавага рэгулявання пагас, заявіў журналістам намеснік міністра антыманапольнага рэгулявання і гандлю Андрэй Картун па выніках прыёму грамадзян у Брэсцкім аблвыканкаме, перадае карэспандэнт БЕЛТА.

На прыём да намесніка міністра звярнуліся шэсць чалавек - прадстаўнікі дзяржаўных прадпрыемстваў-імпарцёраў. "Пытанні традыцыйныя: практыка прымянення пастановы нумар 713 і ў цэлым сістэма рэгулявання цэн. З 19 кастрычніка яна працуе - фактычна ўжо больш за месяц. У суб'ектаў гаспадарання тыповыя пытанні. Іх даволі шмат, тым не менш напал страсцей пагас. Асноўныя пытанні растлумачаны. Мы фактычна два цыклы тэматычных сустрэч па ўсіх абласцях правялі", - адзначыў намеснік міністра.

Прыёмы грамадзян, на якія звяртаюцца суб'екты гаспадарання розных форм уласнасці, індывідуальныя прадпрымальнікі, ён разглядае як форму зваротнай сувязі. "Мы не прымаем іх па адным, а ўсе садзяцца за круглы стол і абмяркоўваем, што суб'ектам яшчэ незразумела, высвятляем, якія ёсць праблемы. Пастанова - жывая, і яна будзе працаваць. Мы чуем усіх, прапрацоўваем нейкія пытанні, уносім прапановы па карэкціроўцы, каб было ўсім зразумела, былі празрыстыя правілы гульні. Трэба, каб усе працавалі ў рамках агульнай сістэмы - кантралёры, вытворцы і мы як рэгулятар", - падкрэсліў Андрэй Картун.

Таксама ён прыняў удзел у пасяджэнні Брэсцкага аблвыканкама, на якім абмяркоўваліся праблемы спажывецкага рынку, у тым ліку - праз прызму цэнавага рэгулявання. "Адна з вострых тэм - стабілізацыйныя фонды. У гэтым годзе мы прымянілі новы падыход, які заключаецца не толькі ў закладцы пад поўную патрэбнасць, але і заключэнні дагавораў з гандлёвымі сеткамі, пад іх поўную патрэбнасць. Брэсцкая вобласць фактычна перавыканала ўсе планы, з буйнейшымі гандлёвымі арганізацыямі краіны заключаны дагаворы больш як на 100 працэнтаў іх патрэбнасці", - адзначыў намеснік міністра.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі