31 снежня, Мінск /Кар. БЕЛТА/. Міністэрства антыманапольнага рэгулявання і гандлю ўводзіць часовае рэгуляванне цэн на цукар, паведамляе БЕЛТА са спасылкай на сайт МАРГ.
"Пастановай Міністэрства антыманапольнага рэгулявання і гандлю ад 30 снежня 2019 года нумар 99 уводзіцца часовае дзяржаўнае рэгуляванне цэн на цукар белы крышталічны шляхам усталявання гранічных мінімальных цэн і гранічнай максімальнай гандлёвай надбаўкі", - гаворыцца ў паведамленні міністэрства.
Адзначаецца, што гранічная цана на цукар устанаўліваецца на ўзроўні сярэдняй існуючай на рынку.
"Нормы гэтай пастановы не распаўсюджваюцца на адносіны, звязаныя з рэалізацыяй цукру белага крышталічнага па дагаворах дзяржаўнай закупкі", - удакладнілі ў міністэрстве.
Пастанова ўступае ў сілу з 1 студзеня 2020 года і дзейнічае на працягу 60 дзён.-0-