15 снежня, Мінск /Кар. БЕЛТА/. У Беларусі павялічыцца колькасць перадсвяточных распродажаў, пры гэтым цэны на многія тавары і прадукты харчавання да Новага года стануць ніжэйшыя. Аб гэтым на прэс-канферэнцыі сказала начальнік упраўлення гандлю і грамадскага харчавання Міністэрства антыманапольнага рэгулявання і гандлю Наталля Мельнікава, перадае карэспандэнт БЕЛТА.
"Напярэдадні свят у гандлёвых прадпрыемствах будуць дзейнічаць шматлікія акцыі, распродажы і скідкі. Азнаёміцца з актуальнай інфармацыяй па навагодніх спецпрапановах можна на інтэрнэт-сайтах арганізацый. Акрамя таго, забяспечваецца пастаянная наяўнасць шырокага асартыменту харчовых тавараў, такіх як свежыя агародніна і фрукты, ікра, рыба, морапрадукты, вэнджаніна, шампанскае і кандытарскія вырабы. Адзначу, што фарміраванне адпускной цаны залежыць ад пастаўшчыкоў і вытворцаў. Пры гэтым цяпер за кошт дзеяння пастановы нумар 713, якая абмяжоўвае гандлёвыя надбаўкі, цэны да Новага года на многія тавары і прадукты харчавання будуць ніжэйшыя", - расказала Наталля Мельнікава.
Паводле яе слоў, святочныя распродажы ў Беларусі пачаліся ўжо з 1 снежня. Напрыклад, ЦУМ з 14 па 31 снежня арганізуе 60-працэнтныя скідкі на ювелірныя вырабы, 35-працэнтныя - на пэўны асартымент і 30-працэнтныя - на жаночае і мужчынскае адзенне.
"Колькасць перадсвяточных распродажаў у 2022 годзе большая на 2 тыс., чым у 2021 годзе. Анонсы скідак ёсць у буйных універмагах і грамадскім транспарце", - рэзюмавала начальнік упраўлення.-0-
