ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +8°C
Усе навіны
Усе навіны
Эканоміка
12 красавіка 2021, 17:05

Кармавыя дабаўкі на рэкордную суму большую за Br7 млн прадалі на біржавых таргах

Фота БУТБ
Фота БУТБ

12 красавіка, Мінск /Кар. БЕЛТА/. Кармавыя дабаўкі на суму большую за Br7 млн рэалізаваны ў ходзе біржавых таргоў сельгаспрадукцыяй на ўнутраны рынак, якія адбыліся на Беларускай універсальнай таварнай біржы. Гэтыя таргі сталі рэкорднымі па суме здзелак і аднымі з буйнейшых па колькасці ўдзельнікаў, паведаміў карэспандэнту БЕЛТА прэс-сакратар БУТБ Раман Яніў.

"Акрамя беспрэцэдэнтнага аб'ёму, адной з ключавых асаблівасцей мінулых таргоў кармавымі дабаўкамі стаў высокі ўзровень канкурэнцыі. У гандлёвай сесіі прынялі ўдзел 110 прадаўцоў і 60 пакупнікоў, якія ажыццявілі 72 здзелкі. Пры гэтым дзякуючы зніжэнню цэн па шэрагу лотаў айчынным сельгаспрадпрыемствам удалося істотна сэканоміць на закупцы", - расказаў Раман Яніў.

Ён таксама адзначыў, што кармавыя дабаўкі ўваходзяць у лік самых запатрабаваных груп тавараў на БУТБ, а на фоне дынамічнага развіцця жывёлагадоўчай галіны попыт на гэту прадукцыю на біржавых таргах дэманструе прыкметны рост. "За першы квартал 2021 года на БУТБ рэалізавана 27,5 тыс. т кармавых дабавак на агульную суму Br46,4 млн. У параўнанні з аналагічным перыядам мінулага года аб'ём закупак павялічыўся на 63 працэнты ў натуральным выражэнні і на 80 працэнтаў у вартасным. Улічваючы высокую актыўнасць прадаўцоў і пакупнікоў на працягу першай дэкады красавіка, ёсць прычыны меркаваць, што ў бліжэйшай перспектыве ўзыходзячы трэнд захаваецца", - пракаменціраваў прэс-сакратар.

ААТ "Беларуская ўніверсальная таварная біржа" створана ў 2004 годзе. Першыя таргі прайшлі ў чэрвені 2005 года. БУТБ - адна з буйнейшых таварных бірж ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі