Мабільная версія
ДЗЯРЖОРГАНЫ

Апошнія навіны
Усе навіны

ЕЭК прапануе стварыць адзіную сістэму ўліку кантрафакту

Эканоміка 12.11.2019 | 14:45
Фота з архіва
Фота з архіва

12 лістапада, Масква /Эдуард Півавар - БЕЛТА/. У Еўразійскім эканамічным саюзе прапанавана стварыць адзіную сістэму ўліку інфармацыі аб выяўляемых выпадках увозу, вытворчасці і рэалізацыі кантрафактнай прадукцыі, а таксама незаконнага распаўсюджвання аб'ектаў інтэлектуальнай уласнасці праз інтэрнэт. З такой ініцыятывай выступіў член Калегіі (міністр) па эканоміцы і фінансавай палітыцы Еўразійскай эканамічнай камісіі Цімур Жаксылыкаў сёння на міжнародным форуме "Антыкантрафакт-2019" у Ерэване, паведамілі БЕЛТА ў прэс-службе ЕЭК.

Паводле слоў Цімура Жаксылыкава, рост абароту кантрафактнай прадукцыі - сусветная тэндэнцыя, не з'яўляецца выключэннем і ЕАЭС. "Згодна са статыстыкай мытных службаў краін саюза, у 2018 годзе выяўлена 17,3 млн адзінак кантрафактнай прадукцыі - на 54 працэнты больш, чым у 2017-м (11,2 млн адзінак), і на 73 працэнты больш у параўнанні з 2014 годам (10 млн адзінак)", - паведаміў міністр ЕЭК. Пры гэтым сітуацыя пагаршаецца імклівым развіццём электроннай камерцыі: кантрафактныя і пірацкія тавары часта прадаюць праз сацыяльныя сеткі і мабільныя дадаткі.

"Нам патрэбны эфектыўныя механізмы еўразійскага маштабу, якія далі б магчымасць процідзейнічаць распаўсюджванню кантрафактнай прадукцыі, - падкрэсліў ён. - Таму мы прапануем стварыць адзіную сістэму ўліку інфармацыі аб выяўляемых выпадках увозу, вытворчасці і рэалізацыі кантрафактнай прадукцыі, а таксама незаконнага распаўсюджвання аб'ектаў інтэлектуальнай уласнасці ў інтэрнэце. Лічым таксама неабходным выпрацаваць узгодненыя падыходы для спынення парушэнняў правоў на аб'екты інтэлектуальнай уласнасці ў сетцы Інтэрнэт".

Цімур Жаксылыкаў адзначыў, што для эфектыўнай работы гэтых механізмаў неабходна падрыхтоўка спецыялістаў у сферы абароны правоў на аб'екты інтэлектуальнай уласнасці. Змагацца з кантрафактам таксама дапаможа ствараемы ЕЭК механізм адзінага мытнага рэестра аб'ектаў інтэлектуальнай уласнасці дзяржаў саюза, мэта якога - забеспячэнне абароны правоў на аб'екты інтэлектуальнай уласнасці на тэрыторыі ўсіх краін ЕАЭС.

"Барацьба з кантрафактам павінна быць у цэнтры ўвагі не толькі праваўладальнікаў інтэлектуальнай уласнасці, але і іх дзелавых партнёраў, у тым ліку фінансавых устаноў, гандлёвых платформ, рэкламных агенцтваў і транспартна-экспедытарскіх кампаній. Толькі ў выніку пастаяннай сумеснай работы можна дабіцца поспеху", - заявіў міністр ЕЭК.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.