6 ліпеня, Мінск /Кар. БЕЛТА/. Еўрапейскі банк рэканструкцыі і развіцця прадаставіць сямігадовы крэдыт у памеры 15 млн еўра беларускай дрэваапрацоўчай кампаніі ЗТАА "Свудс Экспарт" (Свудс), паведамілі БЕЛТА ў прэс-службе банка.
"ЕБРР прадаставіць сямігадовы крэдыт у памеры 15 млн еўра беларускай дрэваапрацоўчай кампаніі ЗТАА "Свудс Экспарт" (Свудс). Праект дапаможа кампаніі рэалізаваць свае стратэгічныя мэты, павысіць эфектыўнасць работы і рэструктураваць баланс", - адзначылі ў прэс-службе.
Кампанія, што базіруецца ў Барысаўскім раёне, у склад якой уваходзяць лесапільная і мэблевая фабрыкі, а таксама фабрыка па вытворчасці драўняных пелет, прыналежыць кампаніі VMG group у Літве, вядучаму вытворцу драўняна-стружкавых пліт і мэблі, таксама вядомаму пастаўшчыку Ikea. Пасля рэалізацыі праекта ЗТАА "Свудс Экспарт" стане буйнейшай лесапільняй у Беларусі з гадавой прадукцыйнасцю амаль 250 тыс. куб.м драўніны. Кампанія плануе падвоіць выпуск драўняных пелет да 72 тыс.т у год і правесці мадэрнізацыю вытворчасці мэблі для задавальнення ўзрастаючага попыту на кампаненты з драўніны.
Праект зробіць істотны ўплыў на структуру затрат кампаніі за кошт паляпшэння выкарыстання энергіі і зробіць аб'ект экалагічна чыстым дзякуючы скарачэнню выкідаў вуглякіслага газу.
"Мы разумеем важнасць дрэваапрацоўчай прамысловасці для Беларусі. У гэтых адносінах мы рады падтрымаць пашырэнне кампаніі VMG group. Гэта добры прыклад прыгранічнага супрацоўніцтва, у якім задзейнічаны такія неабходныя прамыя замежныя інвестыцыі, а таксама лепшыя галіновыя і экалагічныя стандарты", - падкрэсліў кіраўнік прадстаўніцтва ЕБРР у Беларусі Аляксандр Піваварскі.
З пачатку сваёй дзейнасці ў Беларусі ў 1992 годзе ЕБРР інвесціраваў амаль 1,9 млрд еўра ў 90 праектаў у розных сектарах эканомікі краіны.-0-
