Мабільная версія
ДЗЯРЖОРГАНЫ
Апошнія навіны
Усе навіны

ЕБРР, ЕІБ і Сусветны банк пачынаюць новае даследаванне прадпрыемстваў у Беларусі

Эканоміка 18.10.2018 | 19:36
Фота з архіва
Фота з архіва

18 кастрычніка, Мінск /Кар. БЕЛТА/. Еўрапейскі банк рэканструкцыі і развіцця, Еўрапейскі інвестыцыйны банк і Сусветны банк пачынаюць новы этап даследаванняў прадпрыемстваў у Беларусі, паведамілі БЕЛТА ў ЕБРР.

Мэтай даследавання з'яўляецца атрыманне ад прадпрыемстваў прыватнага сектара інфармацыі аб стане дзелавога асяроддзя ў нашай краіне і выкарыстанне гэтых даных для ацэнкі як магчымасцей для росту прыватнага сектара, так і фактараў, што стрымліваюць яго. Даследаванне пройдзе шляхам апытанняў прадстаўнікоў прыватных кампаній у сферах прамысловасці і паслуг.

У Беларусі на правядзенне збору даных і работу па апытанні прадстаўнікоў выбраных на адвольнай аснове кампаній заключаны кантракт з Цэнтрам сацыялагічных і палітычных даследаванняў Беларускага дзяржаўнага ўніверсітэта. Гэта работа пачнецца ўжо ў кастрычніку і прадоўжыцца да мая 2019 года. Папярэднія вынікі даследавання плануецца падрыхтаваць у другой палавіне наступнага года.

Як адзначылі ў ЕБРР, вынікі даследаванняў будуць пакладзены ў аснову навукова-аналітычнай работы, якая будзе садзейнічаць пошуку рашэнняў для стымулявання інвестыцый, павелічэння прадукцыйнасці і паскарэння эканамічнага росту.

Сусветны банк праводзіць такія даследаванні па ўсім свеце і выкарыстоўвае стандартную метадалогію. У апытальнік уключаны такія напрамкі, як прадукцыйнасць, укараненне тэхналогій і інавацый, канкурэнцыя, кваліфікацыя рабочай сілы, нефармальны сектар эканомікі, доступ да фінансавых паслуг, інфраструктура і ўздзеянне мер дзяржаўнага рэгулявання. Даследаванне таксама будзе ўключаць модуль па зялёнай эканоміцы.

Цяперашні этап даследаванняў будзе праводзіцца ў 40 краінах Еўропы, Цэнтральнай Азіі, Блізкага Усходу і Паўночнай Афрыкі.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Пленарны тыдзень ЕАГ праходзіць у Мінску Мерапрыемствы 29-га пленарнага тыдня Еўразійскай групы па процідзеянні легалізацыі злачынных даходаў і фінансаванню тэрарызму праходзяць у Мінску з 12 па 16 лістапада.