19 студзеня, Мінск /Кар. БЕЛТА/. На грамадскае абмеркаванне вынесены праект пастановы Дзяржаўнага камітэта па стандартызацыі "Аб патрабаваннях да вызначэння колькасці фасаванага тавару", паведамляе БЕЛТА са спасылкай на Нацыянальны прававы інтэрнэт-партал.
Дакумент накіраваны на ўпарадкаванне дзеянняў зацікаўленых асоб па выкананні патрабаванняў да вызначэння колькасці фасаванага тавару, у тым ліку да правіл яго ўказання на ўпакоўцы, пры вытворчасці (фасаванні) і (або) рэалізацыі.
Пастанова распаўсюджвае дзеянне на фасаваныя тавары, прызначаныя для перадачы спажыўцу ў адпаведнасці з законам ад 9 студзеня 2002 года нумар 90-З "Аб абароне правоў спажыўцоў", а менавіта фізічнай асобве, якая мае намер заказаць або набыць, альбо якая заказвае, набывае тавар (работу, паслугу) або выкарыстоўвае тавар (вынік работы, паслугу) выключна для асабістых, сямейных, дамашніх і іншых патрэб, не звязаных з прадпрымальніцкай дзейнасцю.
Рашэнне аб распаўсюджванні норм палажэння на тавары "двайнога прызначэння", якія могуць быць прызначаны як для перадачы спажыўцу, так і выкарыстаны суб'ектам гаспадарання для далейшага прымянення ў розных галінах эканомікі або для вытворчасці іншай прадукцыі, павінен прымаць вытворца/упакоўшчык фасаванага тавару.
Праект пастановы не будзе распаўсюджвацца на фізічных асоб, якія выступаюць у якасці рамеснікаў згодна з заканадаўствам Беларусі.
Прадугледжваецца, што палажэнні дакумента таксама не будуць дзейнічаць у адносінах да лекавых сродкаў, што прымяняюцца ў медыцынскай практыцы і ветерынарных сродкаў (гэтыя адносіны рэгулююцца міжнародна-прававымі актамі, якія складаюць права Еўразійскага эканамічнага саюза).
Арганізатар грамадскага абмеркавання - Дзяржаўны камітэт па стандартызацыі.
Свае заўвагі і прапановы можна выказаць у спецыяльнай тэме на Прававым форуме з 19 па 29 студзеня.-0-
