Фота з архіва
26 лістапада, Мінск /Кар. БЕЛТА/. Дзяржаўны камітэт па стандартызацыі пашырыў праект праграмы апераджальнай стандартызацыі да 130 дакументаў. Аб гэтым расказала журналістам старшыня Дзяржстандарту Алена Маргунова перад пачаткам круглага стала на тэму "Развіццё стандартызацыі ў галінах эканомікі за кошт павышэння кампетэнцый галіновых арганізацый па стандартызацыі і пашырэння ўзаемадзеяння з тэхнічнымі камітэтамі па стандартызацыі. Стан і перспектывы росту ў пяцігодку якасці" ў Мінску, перадае карэспандэнт БЕЛТА.
На думку Алены Маргуновай, цяпер ідзе беспрэцэдэнтнае развіццё розных тэхналогій, укараненне інавацый і, адпаведна, узрастае роля стандартызацыі як крытэрыю забеспячэння бяспекі, якасці і канкурэнтаздольнасці любога тавару і паслугі. "Гэты круглы стол - прадаўжэнне галіновых мерапрыемстваў па пытаннях стандартызацыі, павышэння кампетэнцыі спецыялістаў у гэтай галіне на розных прадпрыемствах краіны, узаемадзеяння з міжнароднымі і нацыянальнымі тэхнічнымі камітэтамі ў галіне стандартызацыі", - звярнула ўвагу старшыня.
Дзяржстандартам падрыхтаваны праект праграмы апераджальнай стандартызацыі, які першапачаткова быў разлічаны на 80 стандартаў. "Цяпер у распрацоўцы ўжо 130 стандартаў па лічбавай эканоміцы, штучным інтэлекце, інавацыях у аграпрамысловым комплексе, машынабудаванні, біятэхналогіях, рацыянальным выкарыстанні рэсурсаў, магчымасцях стварэння безбар'ернага асяроддзя. Гэта значыць тыя стандарты, якія запатрабаваны, патрэбны для развіцця галін нашай прамысловасці. І менавіта яны закладваюць аснову тых патрабаванняў, па якіх і будзе развівацца прамысловасць", - адзначыла Алена Маргунова.
У рэалізацыі экспартнай прадукцыі архіважнае значэнне стандарту, падкрэсліла яна. "Гэта патрабаванні, па якіх наша прадукцыя ідзе на рынкі іншых краін. Мы павінны ўлічваць запыты спажыўцоў гэтых краін, а таксама патрабаванні адносна тавару, якія там прыняты. Для гэтага мы ў першую чаргу павінны ведаць, якія стандарты дзейнічаюць, якія патрабаванні закладзены, і абменьвацца гэтым для таго, каб улічваць іх пры пастаўцы прадукцыі на экспарт. Цяпер больш як 50 пагадненняў з рознымі краінамі ёсць па абмене стандартамі і ўзаемадзеянні ў галіне стандартызацыі", - дадала яна.
Таксама Алена Маргунова расказала, з якімі краінамі ажыццяўляецца такое ўзаемадзеянне. "У першую чаргу гэта Расія. Тут у нас вельмі цеснае ўзаемадзеянне з Расстандартам. У рамках Саюзнай дзяржавы прымяняюцца праграмы па стандартызацыі, дзве ўжо выконваюцца, а ў распрацоўцы знаходзяцца яшчэ шэсць. З КНР таксама падпісаны шэраг пагадненняў па абмене стандартамі. У Беларускім дзяржаўным інстытуце стандартызацыі і сертыфікацыі забяспечаны доступ да звыш 55 тыс. кітайскіх стандартаў, якімі мы можам карыстацца. З былымі краінамі Савецкага Саюза, што ўваходзяць у СНД, працуем на пляцоўцы Міждзяржаўнага савета па стандартызацыі, метралогіі і сертыфікацыі. Праводзім шэраг мерапрыемстваў, звязаных з падрыхтоўкай тых ці іншых пагадненняў у рамках ШАС для таго, каб разумець і выконваць патрабаванні тых краін, куды ідуць нашы пастаўкі", - рэзюмавала старшыня Дзяржстандарту.-0-
На думку Алены Маргуновай, цяпер ідзе беспрэцэдэнтнае развіццё розных тэхналогій, укараненне інавацый і, адпаведна, узрастае роля стандартызацыі як крытэрыю забеспячэння бяспекі, якасці і канкурэнтаздольнасці любога тавару і паслугі. "Гэты круглы стол - прадаўжэнне галіновых мерапрыемстваў па пытаннях стандартызацыі, павышэння кампетэнцыі спецыялістаў у гэтай галіне на розных прадпрыемствах краіны, узаемадзеяння з міжнароднымі і нацыянальнымі тэхнічнымі камітэтамі ў галіне стандартызацыі", - звярнула ўвагу старшыня.
Дзяржстандартам падрыхтаваны праект праграмы апераджальнай стандартызацыі, які першапачаткова быў разлічаны на 80 стандартаў. "Цяпер у распрацоўцы ўжо 130 стандартаў па лічбавай эканоміцы, штучным інтэлекце, інавацыях у аграпрамысловым комплексе, машынабудаванні, біятэхналогіях, рацыянальным выкарыстанні рэсурсаў, магчымасцях стварэння безбар'ернага асяроддзя. Гэта значыць тыя стандарты, якія запатрабаваны, патрэбны для развіцця галін нашай прамысловасці. І менавіта яны закладваюць аснову тых патрабаванняў, па якіх і будзе развівацца прамысловасць", - адзначыла Алена Маргунова.
У рэалізацыі экспартнай прадукцыі архіважнае значэнне стандарту, падкрэсліла яна. "Гэта патрабаванні, па якіх наша прадукцыя ідзе на рынкі іншых краін. Мы павінны ўлічваць запыты спажыўцоў гэтых краін, а таксама патрабаванні адносна тавару, якія там прыняты. Для гэтага мы ў першую чаргу павінны ведаць, якія стандарты дзейнічаюць, якія патрабаванні закладзены, і абменьвацца гэтым для таго, каб улічваць іх пры пастаўцы прадукцыі на экспарт. Цяпер больш як 50 пагадненняў з рознымі краінамі ёсць па абмене стандартамі і ўзаемадзеянні ў галіне стандартызацыі", - дадала яна.
Таксама Алена Маргунова расказала, з якімі краінамі ажыццяўляецца такое ўзаемадзеянне. "У першую чаргу гэта Расія. Тут у нас вельмі цеснае ўзаемадзеянне з Расстандартам. У рамках Саюзнай дзяржавы прымяняюцца праграмы па стандартызацыі, дзве ўжо выконваюцца, а ў распрацоўцы знаходзяцца яшчэ шэсць. З КНР таксама падпісаны шэраг пагадненняў па абмене стандартамі. У Беларускім дзяржаўным інстытуце стандартызацыі і сертыфікацыі забяспечаны доступ да звыш 55 тыс. кітайскіх стандартаў, якімі мы можам карыстацца. З былымі краінамі Савецкага Саюза, што ўваходзяць у СНД, працуем на пляцоўцы Міждзяржаўнага савета па стандартызацыі, метралогіі і сертыфікацыі. Праводзім шэраг мерапрыемстваў, звязаных з падрыхтоўкай тых ці іншых пагадненняў у рамках ШАС для таго, каб разумець і выконваць патрабаванні тых краін, куды ідуць нашы пастаўкі", - рэзюмавала старшыня Дзяржстандарту.-0-
Падпісвайцеся на нас у
