Больш за 3,7 млн тон збожжа разам з рапсам намалацілі беларускія аграрыі

6 жніўня, Мінск /Кар. БЕЛТА/. У Беларусі намалацілі больш за 3,7 млн т збожжа разам з рапсам. Аб гэтым паведамілі БЕЛТА ў прэс-службе Мінсельгасхарча.

Паводле аператыўных даных Мінсельгасхарча, на 6 жніўня са збожжавых палёў краіны намалочана 3,752 млн т збожжа разам з рапсам. Уклад Брэсцкай вобласці ў агульны каравай склаў 1,04 млн т, Гродзенскай - 805 тыс. т, Мінскай - 744 тыс. т, Гомельскай - 460 тыс. т, Магілёўскай - 423 тыс. т, а Віцебскай - 280 тыс. т.

Збожжа і зернебабовыя культуры без кукурузы, грэчкі і проса ўбраны з 37 працэнтаў плошчаў, што складае 736 тыс. га. У лік дзяржзаказу пастаўлена 105 тыс. т харчовага зерня - 15 працэнтаў ад плана, а таксама 64 тыс. т алейнага семя рапсу - 67 працэнтаў ад плана.

Выцераблена лёну на 23 тыс. га, што складае 48 працэнтаў запланаваных плошчаў. Скошана траў другога ўкосу на плошчы 859 тыс. га - больш за 80 працэнтаў.

Нарыхтавана сена 305 тыс. т (42 працэнты плана), сенажу - 11,226 млн т (больш за 80 працэнтаў плана), у тым ліку ў палімернай упакоўцы 342 тыс. т. Травяных кармоў нарыхтавана 3,404 млн т (34 працэнты плана).-0-