Мабільная версія
ДЗЯРЖОРГАНЫ
Апошнія навіны
Усе навіны

Бізнес адзначае прагрэс у развіцці дыялогу з уладай

Эканоміка 20.07.2018 | 19:21
Фота з архіва
Фота з архіва

20 ліпеня, Мінск /Кар. БЕЛТА/. Старшыня Вышэйшага каардынацыйнага савета Рэспубліканскай канфедэрацыі прадпрымальніцтва Уладзімір Карагін адзначае прагрэс у развіцці дыялогу бізнесу і ўлады. На гэта ён звярнуў увагу ў гутарцы з карэспандэнтам БЕЛТА па выніках выязнога пасяджэння судовай калегіі па эканамічных справах Вярхоўнага суда, якое праходзіла на СЗАТ "БЕЛДЖЫ".

"Штогод вывучаем узровень задаволенасці станам дыялогу бізнесу і ўлады. Гэта адна з пазіцый індэкса дзелавога аптымізму. Апошнія гады намецілася, і гэта пазітыўна, вялікая ступень даверу. З лютага 2014 па люты 2018 года паказчык задаволенасці дыялогам вырас у 4,5 раза", - адзначыў Уладзімір Карагін.

На развіццё дыялогу нацэлена выканаўчая ўлада. Пры міністэрствах створаны грамадска-кансультатыўныя саветы. Ёсць крокі з боку заканадаўчай улады. Праводзяцца адкрытыя парламенцкія слуханні. Прадпрымальнікі прымаюць удзел у форумах і асамблеях, сумеснымі намаганнямі ідзе ўдасканаленне заканадаўства. "Пляцовак для дыялогу бізнесу і ўлады стала больш, але яны патрабуюць кампетэнтнага ўдзелу не толькі з боку ўлады, але і саміх прадпрымальнікаў", - дадаў старшыня Вышэйшага каардынацыйнага савета.

У час выязнога пасяджэння Уладзімір Карагін спыніўся на праблемах, абазначаных членамі дзелавой супольнасці. Вярхоўны суд выказаў намер вырашаць іх.

Што датычыцца змяненняў ва ўказ аб ілжэпрадпрымальніцтве, паводле слоў Уладзіміра Карагіна, "Савет па развіцці прадпрымальніцтва разам з вядучымі бізнес-асацыяцыямі выказвае адзіныя пазіцыі па тых папраўках, якія неабходна ўносіць, абараніўшы тым самым добрасумленнага прадпрымальніка і набытчыка".

Выязное пасяджэнне судовай калегіі па эканамічных справах Вярхоўнага суда было прысвечана ўдасканаленню заканадаўства аб інвестыцыйнай дзейнасці, судовай абароне правоў і законных інтарэсаў інвестараў, правапрымяняльнай судовай практыцы разгляду інвестыцыйных спрэчак.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.