28 мая, Мінск /Кар. БЕЛТА/. "Беллегпрам" распрацаваў меры па падтрымцы прадпрыемстваў галіны ва ўмовах пандэміі, паведамілі карэспандэнту БЕЛТА ў прэс-службе канцэрна.
"Канцэрнам распрацаваны шэраг мер па падтрымцы прадпрыемстваў галіны ў няпростых умовах, звязаных з пандэміяй. Кіраўніцтва "Беллегпрама" прыняло рашэнне аб пераводзе рахункаў, за выключэннем рахункаў па ўліку крэдытнай запазычанасці, з прыватных банкаў у дзяржаўныя - Беларусбанк, Белаграпрамбанк і Белінвестбанк, - каб павысіць эфектыўнасць узаемадзеяння з банкаўскім сектарам у частцы максімальна аператыўнай рэалізацыі розных форм падтрымкі бізнесу", - сказалі ў прэс-службе.
Гэта рашэнне было прынята ў рамках уладальніцкага нагляду, які праводзіцца канцэрнам, з улікам распрацаваных прадпрыемствамі "стрэсавых" бізнес-планаў.
Канцэрн "Беллегпрам" быў створаны ў 1992 годзе. У яго склад уваходзяць прадпрыемствы тэкстыльнай, трыкатажнай, швейнай і гарбарна-абутковай галін. "Беллегпрам" фарміруе ўмовы для эфектыўнай работы прадпрыемстваў, для задавальнення патрэбнасцей насельніцтва краіны ў таварах лёгкай прамысловасці, пашырае беларускую прадукцыю на замежных рынках.-0-