15 чэрвеня, Мінск /Кацярына Марковіч - БЕЛТА/. Беларуская гандлёва-прамысловая палата атрымала права на правядзенне курсаў павышэння кваліфікацыі з выдачай дзяржаўнага дыплома. Аб гэтым паведаміў сёння журналістам старшыня БелГПП Уладзімір Улаховіч, перадае карэспандэнт БЕЛТА.
"У бягучым годзе палата атрымала ліцэнзію і акрэдытацыю Міністэрства адукацыі на аказанне паслуг у сістэме гэтага ведамства. Такога ў БелГПП раней не было. У верасні мы пачнём праводзіць курсы павышэння кваліфікацыі з выдачай дзяржаўнага дыплома", - адзначыў кіраўнік палаты.
Цэнтр дзелавой адукацыі БелГПП будзе рэалізоўваць праграмы павышэння кваліфікацыі кіруючых работнікаў і спецыялістаў па профілі адукацыі "Камунікацыі. Права. Эканоміка. Кіраванне. Эканоміка і арганізацыя вытворчасці", напрамках адукацыі "Камунікацыі", "Права", "Эканоміка", "Кіраванне", "Эканоміка і арганізацыя вытворчасці", профілі адукацыі "Фізічная культура. Турызм і гасціннасць", напрамку адукацыі "Турызм і гасціннасць" з далейшай выдачай пасведчання дзяржаўнага ўзору.
Уладзімір Улаховіч нагадаў, што Беларуская ГПП ужо два гады рэалізуе праект "Школа экспарту". У бягучым годзе па ініцыятыве прадпрыемстваў - членаў палаты прынята рашэнне перайменаваць яго ў "Акадэмію экспарту".
Паводле даных старшыні БелГПП, у мінулым годзе ў палату ўступіла больш за 300 прадпрыемстваў, 90 працэнтаў з іх - недзяржаўнай формы ўласнасці.-0-
