Фота з архіва
30 кастрычніка, Мінск /Кар. БЕЛТА/. Беларуская цэментная кампанія (БЦК) пашырае супрацоўніцтва з расійскімі кампаніямі. Пагадненні аб супрацоўніцтве былі падпісаны ў час XV пасяджэння Савета дзелавога супрацоўніцтва Рэспублікі Беларусь і Санкт-Пецярбурга, у якім прымаў удзел генеральны дырэктар кіруючай кампаніі холдынга "Беларуская цэментная кампанія" Аляксандр Даўгала, паведамілі карэспандэнту БЕЛТА ў БЦК.
На пасяджэнні паміж беларускімі і расійскімі прадпрыемствамі падпісаны шэраг дакументаў, у ліку якіх - пагадненні аб супрацоўніцтве БЦК з расійскімі кампаніямі ТАА "Выбар-СПб" і ТАА "СЕВЗАП-ТЭРМІНАЛ" на агульную суму звыш 1,3 млрд расійскіх рублёў. Падпісанне прайшло ва ўрачыстай абстаноўцы ў прысутнасці кіраўнікоў дэлегацый - прэм'ер-міністра Беларусі Аляксандра Турчына і губернатара Санкт-Пецярбурга Аляксандра Бяглова.
Пагадненні накіраваны на развіццё гандлёва-эканамічнага і навукова-тэхнічнага супрацоўніцтва, пашырэнне паставак беларускай будаўнічай прадукцыі на расійскі рынак, адзначылі ў БЦК.
Па ўмовах пагаднення з ТАА "Выбар-СПб", буйным вытворцам тратуарнай пліткі і элементаў добраўпарадкавання, холдынг "Беларуская цэментная кампанія" паставіць у Расію прадукцыю на суму 690 млн расійскіх рублёў (каля $8,5 млн). Аб'ём паставак тавараў БЦК у адрас гандлёвай кампаніі "СЕВЗАП-ТЭРМІНАЛ" складзе 675 млн расійскіх рублёў, або прыкладна $8,3 млн.
Але эканамічны эфект - не адзіны вынік дамоўленасцей. Партнёры плануюць сумесна ўдзельнічаць у беларуска-расійскіх праектах, абменьвацца вопытам і напрацоўкамі, праводзіць лабараторныя даследаванні, развіваць суправаджэнне і кансультацыйныя паслугі. Гэтыя напрамкі стануць фундаментам доўгатэрміновага стратэгічнага ўзаемадзеяння, заснаванага на ўзаемнай выгадзе і даверы.
"Супрацоўніцтва з расійскімі прадпрыемствамі адкрывае для холдынга новыя магчымасці ў сферы паставак прадукцыі. Мы бачым у гэтым крок да ўмацавання пазіцый беларускіх вытворцаў на расійскім будаўнічым рынку", - адзначыў Аляксандр Даўгала.-0-
На пасяджэнні паміж беларускімі і расійскімі прадпрыемствамі падпісаны шэраг дакументаў, у ліку якіх - пагадненні аб супрацоўніцтве БЦК з расійскімі кампаніямі ТАА "Выбар-СПб" і ТАА "СЕВЗАП-ТЭРМІНАЛ" на агульную суму звыш 1,3 млрд расійскіх рублёў. Падпісанне прайшло ва ўрачыстай абстаноўцы ў прысутнасці кіраўнікоў дэлегацый - прэм'ер-міністра Беларусі Аляксандра Турчына і губернатара Санкт-Пецярбурга Аляксандра Бяглова.
Пагадненні накіраваны на развіццё гандлёва-эканамічнага і навукова-тэхнічнага супрацоўніцтва, пашырэнне паставак беларускай будаўнічай прадукцыі на расійскі рынак, адзначылі ў БЦК.
Па ўмовах пагаднення з ТАА "Выбар-СПб", буйным вытворцам тратуарнай пліткі і элементаў добраўпарадкавання, холдынг "Беларуская цэментная кампанія" паставіць у Расію прадукцыю на суму 690 млн расійскіх рублёў (каля $8,5 млн). Аб'ём паставак тавараў БЦК у адрас гандлёвай кампаніі "СЕВЗАП-ТЭРМІНАЛ" складзе 675 млн расійскіх рублёў, або прыкладна $8,3 млн.
Але эканамічны эфект - не адзіны вынік дамоўленасцей. Партнёры плануюць сумесна ўдзельнічаць у беларуска-расійскіх праектах, абменьвацца вопытам і напрацоўкамі, праводзіць лабараторныя даследаванні, развіваць суправаджэнне і кансультацыйныя паслугі. Гэтыя напрамкі стануць фундаментам доўгатэрміновага стратэгічнага ўзаемадзеяння, заснаванага на ўзаемнай выгадзе і даверы.
"Супрацоўніцтва з расійскімі прадпрыемствамі адкрывае для холдынга новыя магчымасці ў сферы паставак прадукцыі. Мы бачым у гэтым крок да ўмацавання пазіцый беларускіх вытворцаў на расійскім будаўнічым рынку", - адзначыў Аляксандр Даўгала.-0-
Падпісвайцеся на нас у
