6 кастрычніка, Мінск /Кар. БЕЛТА/. Беларусь прадставіць нацыянальную экспазіцыю на выстаўцы ў Турцыі, паведамілі БЕЛТА ў Нацыянальным цэнтры маркетынгу.
Беларускія вытворцы прадуктаў харчавання (малочнай і кандытарскай галін, а таксама алкагольнай і безалкагольнай прадукцыі) выказалі гатоўнасць да ўдзелу ў шматгаліновай выстаўцы ў Турцыі Musiad Expo 2022. "Нягледзячы на тое, што Турцыя ганарыцца сваімі традыцыямі і культурай, жыхары краіны пашыраюць свае густы і прымаюць інтэрнацыянальны спосаб жыцця, што абавязкова прыводзіць да пашырэння імпарту прадуктаў харчавання з усяго свету. Для выхаду на новы рынак Беларусі як экспарцёру неабходна ацаніць патэнцыяльны аб'ём паставак, дынаміку імпарту адпаведнай прадукцыі краіны ў цэлым, асноўныя краіны-канкурэнты, устаноўленыя мытныя пошліны, а таксама іншыя ахоўныя меры, якія прымяняюцца адносна імпартнай прадукцыі", - адзначылі ў НЦМ.
У перыяд правядзення міжнароднай шматпрофільнай выстаўкі Musiad Expo 2022, акрамя арганізацыі Нацыянальнай экспазіцыі Беларусі, Нацыянальны цэнтр маркетынгу правядзе бізнес-місію ў Стамбул. У рамках дзелавой паездкі прадстаўнікі бізнесу змогуць наведаць выставачныя плошчы, устанавіць кантакты з турэцкімі партнёрамі і наведаць вядучыя прадпрыемствы галіны, якая іх цікавіць. Будзе таксама прадастаўлена магчымасць правесці b2b перагаворы ў рамках форуму, прысвечанага Беларусі.
Турцыя штогод імпартуе прадукты харчавання і напіткі на суму каля $5 млрд, асабліва замежныя далікатэсы і прадукты, якія не маюць мясцовых аналагаў. З'яўляючыся найбуйнейшым вытворцам прадуктаў харчавання на Блізкім Усходзе і сёмым па велічыні ў свеце, турэцкая харчовая прамысловасць і сектар грамадскага харчавання пастаянна шукаюць якасныя харчовыя інгрэдыенты.-0-
