14 снежня, Мінск /Кар. БЕЛТА/. Беларусь у кантэксце санкцый прадоўжыць пераарыентацыю экспарту. Аб гэтым заявіў міністр замежных спраў Сяргей Алейнік 14 снежня ў час прадстаўлення яго калектыву знешнепалітычнага ведамства, перадае карэспандэнт БЕЛТА.
Кіраўнік МЗС адзначыў, што трэба будзе прадоўжыць работу па пераарыентацыі беларускага экспарту, які выпаў з заходняга рынку, рынку Украіны, на альтэрнатыўныя рынкі. "Асаблівая ўвага санкцыйным выдаткам. Яны не павінны ўплваць на работу нашых прадпрыемстваў і працоўных калектываў", - адзначыў Сяргей Алейнік.
Кіраўнік МЗС сказаў аб прадаўжэнні работы са стратэгічнымі, традыцыйнымі і новымі партнёрамі, узаемадзеянні на інтэграцыйных пляцоўках. Паводле яго слоў, эканамічная дыпламатыя будзе накіравана на нарошчванне экспарту, пашырэнне геаграфічнай дыверсіфікацыі, садзейнічанне беларускім экспарцёрам.
"Мы будзем прадаўжаць актыўнае процідзеянне палітычнаму, эканамічнаму і інфармацыйнаму націску, які прадаўжае аказвацца на нашу краіну, - падкрэсліў міністр. - Нацэлены на адстойванне інтарэсаў Беларусі на шматбаковых пляцоўках, актывізуем работу і будзем прадаўжаць пашырэнне значных міжнародных і рэгіянальных ініцыятыў для павышэння ролі і іміджу нашай краіны на міжнароднай арэне".-0-