ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +20°C
Усе навіны
Усе навіны
Культура
27 кастрычніка 2021, 10:10

Выстава жывапісу Генадзя Шурэмава "Крык" адкрыецца ў Гомелі

Фота з архіва
Фота з архіва

27 кастрычніка, Гомель /Кар. БЕЛТА/. Выстава жывапісу Генадзя Шурэмава "Крык" адкрыецца 28 кастрычніка ў Гомелі ў музеі аўтографа цэнтральнай гарадской бібліятэкі імя А.І. Герцэна, паведамілі БЕЛТА ў сетцы публічных бібліятэк горада Гомеля.

Новая серыя работ аўтара прасякнута выразнымі філасофска-біблейскімі матывамі, заснаванымі на экзістэнцыяльных перажываннях, унутраных адчуваннях мастака. Менавіта таму выстава і атрымала назву "Крык". Усе работы маюць рэалістычны кантэкст: памяць пра сябра, памяць пра маці, вера ва Усявышняга.

"Аўтар не першы раз паказвае сваю творчасць у музеі аўтографа цэнтральнай гарадской бібліятэкі, аднак новая выстава кардынальна адрозніваецца ад папярэдніх. Паколькі раней мастак аддаваў перавагу нацюрмортам, пейзажам і выдатным мясцінам роднага горада", - адзначылі арганізатары.

Павіншаваць аўтара з адкрыццём персанальнай выставы прыйдуць знакамітыя беларускія мастакі Валянцін Пакаташкін, Іван Андрасюк, Віталь Дзенісенка.

Генадзь Шурэмаў нарадзіўся ў 1956 годзе ў Гомелі. Асновы выяўленчага мастацтва атрымліваў у мастацкай студыі пры абласным Палацы творчасці дзяцей і моладзі ў Валянціна Пакаташкіна. Скончыў Мінскае мастацкае вучылішча імя А.К. Глебава. З 1980-х гадоў пачаў актыўна прымаць удзел у выставачнай дзейнасці. З 1987 года працаваў у мастацкім фондзе СССР у якасці мастака-афарміцеля, а таксама выконваў розныя жывапісна-манументальныя работы. З 1995-га і да гэтага часу прадаўжаецца педагагічная дзейнасць Генадзя Шурэмава.

Выстава "Крык" прадоўжыцца да 15 снежня. Уваход свабодны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі