Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Выстава вышытых ікон адкрылася да Вялікадня ў Ганцавічах

Культура 09.04.2019 | 13:03
Фота музея
Фота музея

9 красавіка, Брэст /Кар. БЕЛТА/. У Ганцавіцкім раённым краязнаўчым музеі адкрылася прысвечаная Вялікадню выстава вышытых ікон "Таінства святога абраза", паведаміла карэспандэнту БЕЛТА дырэктар музея Наталля Кулеш.

У экспазіцыі прадстаўлена 47 работ мясцовых майстроў. Ёсць сярод іх і мужчына - Максім Дранец з вёскі Малькавічы. Ён адзіны, хто ў сваіх работах выкарыстаў мазаічную крошку. Астатнія абразы вышыты ніткамі і бісерам. Некаторыя абразы асвечаны. Больш за ўсё прадстаўлена выяў Багародзіцы: абразы Ціхвінскай і Казанскай Божай Маці, Сямістрэльная, Неўвядальны Цвет, Неўпівальная Чара, "Дастойна ёсць". Таксама са сцен выставачнай залы на наведвальнікаў глядзяць лікі Мікалая Цудатворца, Анёла Ахоўніка, Блажэннай Матроны, Ксеніі Пецярбургскай, Параскевы Пятніцы, Святыя пакутніцы Вера, Надзея і Любоў і іх маці Сафія. Дапаўняюць калекцыю дзве каталіцкія іконы - Свяцейшае Сэрца Ісуса і Нявіннае Сэрца Марыі.

Такую выставу ў музеі арганізавалі ўпершыню і прысвяцілі яе старажытнейшаму і самаму важнаму хрысціянскаму святу - Вялікадню. "У фондах нашага музея ёсць жывапісныя іконы ХІХ-ХХ стагоддзяў, перададзеныя супрацоўнікамі Брэсцкай мытні. Мы іх рэгулярна паказваем наведвальнікам. На гэты раз вырашылі зрабіць менавіта выставу вышытых ікон. Тым больш што ў раёне шмат майстроў, якія займаюцца гэтай творчасцю. Некаторых ведаем даўно, з іншымі пазнаёміліся праз тэрытарыяльны цэнтр сацыяльнага абслугоўвання насельніцтва. Мы ўдзячны ім за дапамогу ў арганізацыі выставы, якая дае магчымасць хоць на імгненне абстрагавацца ад мітусні паўсядзённага жыцця і падумаць пра вечнае", - адзначыла Наталля Кулеш.

Новая экспазіцыя карыстаецца вялікім поспехам у наведвальнікаў. Плануецца, што выстава вышытых ікон "Таінства святога абраза" будзе працаваць у Ганцавіцкім раённым краязнаўчым музеі да 1 мая.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.