Мабільная версія
ДЗЯРЖОРГАНЫ

Апошнія навіны
Усе навіны

Выстава да 90-гадовага юбілею Чынгіза Айтматава адкрыецца 12 снежня ў Мінску

Культура 07.12.2018 | 19:31
Фота з архіва
Фота з архіва

7 снежня, Мінск /Кар. БЕЛТА/. Кніжна-ілюстрацыйная выстава "Каўчэг Чынгіза Айтматава", прымеркаваная да 90-гадовага юбілею пісьменніка, адкрыецца 12 снежня ў Мінску ў Нацыянальнай бібліятэцы, паведамілі БЕЛТА арганізатары.

Экспазіцыя прадставіць творы Чынгіза Айтматава, літаратуру пра жыццё і творчасць пісьменніка з бібліятэчнага фонду. Асаблівае месца зоймуць пераклады на беларускую мову аповесцей "Джаміля", "Бывай, Гюльсары!", "Першы настаўнік", раманаў "Буранны паўстанак: I вякуе дзень даўжэй за век" і "Калі падаюць горы. Вечная нявеста".

Багаты і разнастайны ілюстрацыйны матэрыял і выданні, падораныя Кыргызстанам Нацыянальнай бібліятэцы: энцыклапедыя "Сусвет Айтматава", зборнік твораў Чынгіза Айтматава "Белы дождж" і 4 часткі відэапераказу эпасу "Манас" дапоўняць выставу.

Акрамя таго, будзе працаваць перасовачная фотавыстава пасольства Кыргызстана ў Беларусі "Айтматаў - дыпламат".

"Вядомы і шануемы ва ўсім свеце пісьменнік Чынгіз Айтматаў пакінуў пасля сябе багатую літаратурную спадчыну. Яго творы, прасякнутыя нацыянальнымі міфамі і легендамі, па сённяшні дзень выклікаюць шчырую цікавасць вялікага кола чытачоў", - адзначылі ў Нацыянальнай бібліятэцы.

Выстава, якая арганізавана сумесна з пасольствам Кыргызстана ў Беларусі, будзе дзейнічаць да 10 студзеня.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

ID-картка беларуса ID-картка - дакумент, які засведчвае асобу, для карыстання ўнутры краіны. Лічбавы аналаг пашпарта плануецца пачаць выдаваць у 2019 годзе.