ДЗЯРЖОРГАНЫДЗЯРЖОРГАНЫ
Флаг Нядзеля, 9 мая 2021
Мінск Воблачна з праясненнямі +3°C
Усе навіны
Усе навіны
Культура
09 лютага 2021, 16:57

Выдавецкі дом "Звязда" прэзентаваў кнігу Інесы Плескачэўскай "Як разгадаць Кітай"

href="https://zviazda.by/be/news/20210209/1612873816-razgadac-kitay-praz-knigu-praekt-zvyazdy-prezentavali-u-dome-presy" target="_blank" rel="nofollow">zviazda.by
href="https://zviazda.by/be/news/20210209/1612873816-razgadac-kitay-praz-knigu-praekt-zvyazdy-prezentavali-u-dome-presy" target="_blank" rel="nofollow">zviazda.by

9 лютага, Мінск /Кар. БЕЛТА/. Выдавецкі дом "Звязда" сёння прэзентаваў новую кнігу беларускай пісьменніцы і журналісткі Інесы Плескачэўскай "Як разгадаць Кітай" у час прэс-канферэнцыі ў Доме прэсы, прымеркаванай да XXVIII Мінскай міжнароднай кніжнай выставы-кірмашу, перадае карэспандэнт БЕЛТА.

"Заўсёды цікава чытаць матэрыялы Інесы Плескачэўскай, якія датычацца розных краін, у тым ліку іх палітычнага ладу. Паколькі яе спікерамі, субяседнікамі з'яўляюцца знакамітыя людзі. Што датычыцца кнігі, якую сёння прадстаўляем, то ў ёй пра сур'ёзныя рэчы, якія характарызуюць Кітай, расказваецца простай мовай і на простых прыкладах. Мы і далей з дапамогай Інесы Плескачэўскай будзем расказваць пра іншыя краіны", - адзначыў дырэктар - галоўны рэдактар ​​выдавецкага дома "Звязда" Аляксандр Карлюкевіч.

"Мы больш медыйнае выдавецтва, дзе выпускаецца перыядычны друк, у тым ліку газета "Звязда". І вельмі ўдзячны Інесе Плескачэўскай, што яна з'яўляецца кніжным аўтарам нашай газеты", - падкрэсліў Аляксандр Карлюкевіч.

Вялікая праца Інесы Плескачэўскай стала вынікам 12-гадовай работы журналістам у Кітаі. "Гэта кніга з'яўляецца вынікам аўтарскіх калонак "Пісьмы з Пекіна", якія на працягу 12 гадоў выходзілі ў газеце "СБ. Беларусь сегодня", - адзначыла пісьменніца. - Чытачы пісалі мне, што збіраюць газеты, выразаюць гэтыя "пісьмы". І вось выйшла кніга, якая аб'яднала іх. У ёй размешчана больш за 100 фатаграфій, зробленых Міхаілам Пяньеўскім практычна ва ўсіх правінцыях Кітая. Выданне складаецца з двух вялікіх раздзелаў "Мы ў іх" і "Яны ў сябе дома". У першым раздзеле я расказваю пра свой вопыт пазнавання і спробах разгадаць Кітай. Самае галоўнае - не падыходзіць да чужой краіны з ацэнкамі, не спрабаваць рабіць гэта з тых пазіцый, у якіх вы прывыклі жыць. У другім раздзеле размова ідзе ўжо пра саміх кітайцаў і пра тое, як яны ставяцца да сваёй краіны, традыцый, культуры, гісторыі".

"Вельмі прыемна, што ёсць такія аўтары, якія прыходзяць менавіта ў наша выдавецтва, - дадала намеснік дырэктара выдавецкага дома "Звязда" Юлія Дашкевіч. - Кнігі Інесы Плескачэўскай, можна сказаць, зрабілі фурор. Вялікая прэзентацыя новага выдання "Як разгадаць Кітай" адбудзецца ў час XXVIII Мінскай міжнароднай кніжнай выставы-кірмашу 20 лютага".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі