Мабільная версія
ДЗЯРЖОРГАНЫ

Апошнія навіны
Усе навіны

Віцебскі калектыў стаў уладальнікам галоўнай прэміі фестывалю сучаснай харэаграфіі

Культура 25.11.2019 | 12:41

25 лістапада, Віцебск /Андрэй Шчарбіцкі - БЕЛТА/. У Віцебску 23 лістапада аб'явілі ўладальнікаў прэмій Міжнароднага фестывалю сучаснай харэаграфіі (IFMC): пераможцам стаў віцебскі калектыў, паведамляе карэспандэнт БЕЛТА.

Так, І прэмію конкурсу заваявала тэатр-студыя сучаснай харэаграфіі пад кіраўніцтвам Дзіяны Юрчанка з Віцебска. II прэміі ўдастоены праект Дзмітрыя Бяззубенкі (кафедра харэаграфіі Беларускага дзяржаўнага ўніверсітэта культуры і мастацтваў). Рашэннем журы III прэмія была падзелена на дзве раўназначныя. Іх атрымалі мінскія калектывы - танцавальны праект Вольгі Рабецкай і праект We are art (харэаграфія Аляксандра Дзямянава).

Уладальнікі 1-й прэміі тэатр-студыя сучаснай харэаграфіі пад кіраўніцтвам Дзіяны Юрчанка з Віцебска
Уладальнікі 1-й прэміі тэатр-студыя сучаснай харэаграфіі пад кіраўніцтвам Дзіяны Юрчанка з Віцебска'

II прэміі ўдастоены праект Дзмітрыя Бяззубенкі (кафедра харэаграфіі Беларускага дзяржаўнага ўніверсітэта культуры і мастацтваў)
II прэміі ўдастоены праект Дзмітрыя Бяззубенкі (кафедра харэаграфіі Беларускага дзяржаўнага ўніверсітэта культуры і мастацтваў)'

Лаўрэаты 3-й прэміі праект We are art (харэаграфія Аляксандра Дзямянава) Мінск
Лаўрэаты 3-й прэміі праект We are art (харэаграфія Аляксандра Дзямянава) Мінск'

Старшыня журы вядомы харэограф Раду Паклітару падзякаваў канкурсантам за насычаныя дні, а гледачам за адданасць творчаму форуму. "Штогод на фестывалі поўная зала. Віцебскія гледачы робяць шчаслівымі ўсіх, хто выходзіць на сцэну. Думаю, такой публікі, якая ведае, умее разумець танец, няма нідзе ў свеце", - адзначыў ён.

Яшчэ некалькі калектываў атрымалі спецыяльныя прэміі фестывалю. Спецпрэмія "За сэнсавае напаўненне" адправілася ў Мінск. Яе ўдастоена майстэрня сучаснага танца пад кіраўніцтвам Міхаіла Камінскага (кафедра харэаграфіі Беларускага дзяржаўнага ўніверсітэта культуры і мастацтваў). Спецыяльную прэмію "Пастскрыптум" уручылі праекту Яўгеніі Рамановіч (Гродна).

Лаўрэаты прэміі
Лаўрэаты прэміі "Пастскрыптум" - праект Яўгеніі Рамановіч (Гродна)'

Таксама ўзнагародзілі і спецыяльнай прэміяй імя Яўгена Панфілава (прысуджаецца лепшаму харэографу па выніках конкурсу). Яе ўладальнікам стаў Ягор Яраш з Мінска. Для яго член журы конкурсу генеральны менеджар Ballet Preljocaj (Францыя) Ніколь Сейд падрыхтавала яшчэ адзін сюрпрыз. Яна запрасіла Ягора ў Францыю для работы над новымі пастаноўкамі. Малады артыст з задавальненнем згадзіўся і выказаў удзячнасць за давер.

Спецыяльнай прэміяй імя Яўгена Панфілава ўзнагароджаны Ягор Яраш з Мінска
Спецыяльнай прэміяй імя Яўгена Панфілава ўзнагароджаны Ягор Яраш з Мінска'

IFMC-2019 праходзіў 18-23 лістапада. Афіша творчага форуму была прадстаўлена рознафарматнымі пастаноўкамі. Адбылася сусветная прэм'ера балета "Вій" у выкананні акадэмічнага тэатра "Кіеў мадэрн-балет". Пастаноўку ўбачылі адразу на дзвюх сцэнах: на віцебскай - КЗ "Віцебск" і мінскай - Вялікі тэатр оперы і балета. Пермскі дзяржаўны тэатр "Балет Яўгена Панфілава" прывёз дзве прэм'еры: аднаактовыя балеты "Лабірынт" і "Чалавек паветра". На закрыцці фестывалю публіцы прадставілі лепшы спектакль міжнароднага форуму танца Tanzmesse-2018 у Дзюсельдорфе "Oskara" ў выкананні кампаніі танца Kukai Dantza (Іспанія).-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.