Мабільная версія
ДЗЯРЖОРГАНЫ

Апошнія навіны
Усе навіны

Спявак Руслан Аляхно стаў зорным паслом II Еўрапейскіх гульняў

Культура 11.03.2019 | 11:18
Руслан Аляхно і Георгій Катулін. Фота   minsk2019.by
Руслан Аляхно і Георгій Катулін. Фота minsk2019.by

11 сакавіка, Мінск /Кар. БЕЛТА/. Эстрадны выканаўца Руслан Аляхно папоўніў каманду зорных паслоў II Еўрапейскіх гульняў 2019 года, паведамілі карэспандэнту БЕЛТА ў прэс-службе дырэкцыі.

Сертыфікат спеваку быў уручаны 9 сакавіка ў час выступлення ў канцэртнай зале "Мінск".

Руслан Аляхно - беларускі эстрадны спявак і кампазітар, пераможца тэлевізійнага конкурсу "Народны артыст" у 2004 годзе, удзельнік конкурсу эстраднай песні "Еўрабачанне-2008" ад Беларусі, пераможца трэцяга сезона шоу "Один в один!" у 2015 годзе, уладальнік ордэна "За ўклад у развіццё культуры Расіі", медаля Францыска Скарыны.

Інфармацыйны праект "Зорныя паслы II Еўрапейскіх гульняў 2019 года" рэалізуецца ў мэтах папулярызацыі маючага адбыцца мультыспартыўнага форуму ў Беларусі і за яе межамі, прыцягнення грамадскай увагі да ідэй гульняў, стымулявання цікавасці жыхароў краіны і сусветнай грамадскасці да гэтай падзеі.

Сярод зорных паслоў выдатныя асобы са свету спорту, мастацтва і культуры Беларусі і замежных краін. Першым уладальнікам высокага тытула стала чатырохразовая алімпійская чэмпіёнка па біятлоне Дар'я Домрачава. У камандзе зорных паслоў вядомыя цыркавыя дрэсіроўшчыкі, народныя артысты Расіі Аскольд і Эдгард Запашныя, алімпійскі чэмпіён 2008 года па веславанні на байдарках і каноэ, дэпутат Палаты прадстаўнікоў Нацыянальнага сходу Беларусі Аляксандр Багдановіч; лёгкаатлетка, чэмпіёнка Еўропы 2018 года ў бегу на марафонскай дыстанцыі Вольга Мазуронак; трохразовы алімпійскі чэмпіён па вольнай барацьбе Аляксандр Мядзведзь; блогер і тэлевядучая Ганна Бонд; беларускі піяніст і дырыжор Расціслаў Крымер.

Яшчэ адзін сертыфікат быў уручаны прадстаўніку Дзіцячага фонду ААН (ЮНІСЕФ) у Рэспубліцы Беларусь доктару Рашэду Мустафе Сарвару, які выступае ў гэтай ролі ад імя міжнароднай арганізацыі. Ганаровае званне Зорнага пасла Гульняў таксама прысвоена ўкраінскай спявачцы Ані Лорак, алімпійскаму чэмпіёну па фехтаванні Аляксандру Раманькову і пераможцы нацыянальнага конкурсу прыгажосці "Міс Беларусь-2018", уладальніцы тытула "Міс свету Еўропа" Марыі Васілевіч.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".