ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Культура
14 сакавіка 2022, 10:38

Квартэт саксафаністаў SAXAS выступіць у Белдзяржфілармоніі

Фота з архіва
Фота з архіва

14 сакавіка, Мінск /Кар. БЕЛТА/. Квартэт саксафаністаў SAXAS прадставіць канцэртную праграму "Ад А да Я" ў Белдзяржфілармоніі 16 сакавіка, паведамілі БЕЛТА ва ўстанове.

Квартэт выканае творы вядомых кампазітараў. Рэпертуар уключае мноства стыляў, жанраў і напрамкаў: ад класікі, джаза да рок і поп-музыкі, ад Баха і Шуберта да П'яцолы, Бернстайна і Мерк'юры.

Квартэт SAXAS быў створаны ў 2011 годзе і стаў першым прафесійным квартэтам саксафаністаў у Беларусі.

"Упершыню квартэт прынёс гучанне саксафоннага ансамбля на сцэну Вялікай залы Беларускай дзяржаўнай акадэміі музыкі. Таксама музыка для квартэта саксафонаў прагучала ў эфіры беларускага радыё, былі запісаны некалькі радыё- і тэлеперадач", - адзначылі ў філармоніі.

Квартэт выступіў у першым фестывалі "Класіка ля Ратушы", які стаў ужо адной з важнейшых штогадовых падзей музычнага жыцця Мінска. Таксама калектыў прымаў удзел у музычным афармленні выставак, фестывалях, гастраляваў за мяжой.

Пачатак праграмы ў 19.00.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі