9 снежня, Мінск /Кар. БЕЛТА/. Цырымонія ўскладання кветак да помніка Максіму Багдановічу, прысвечаная 130-годдзю з дня нараджэння класіка беларускай літаратуры, прайшла сёння ў Мінску. Аб гэтым БЕЛТА паведамілі ў Міністэрстве культуры.
"Максім Багдановіч - самы малады і самы рамантычны класік беларускай літаратуры. Яго творчы шлях складае каля дзесяці гадоў, але кожны яго твор пранікае ў душу чалавека", - сказаў у час урачыстай цырымоніі першы намеснік міністра культуры Валерый Грамада.
Ён адзначыў вялікую ролю, якую адыграў Максім Багдановіч у справе адраджэння нацыянальнай культуры, а таксама значэнне яго творчасці ў выхаванні сучаснага пакалення беларусаў. "Сённяшняе мерапрыемства з'яўляецца сведчаннем беражлівага стаўлення дзяржавы да сваёй культурнай спадчыны", - падкрэсліў Валерый Грамада.
Пасля з прывітальным словам выступілі дзеячы культуры, а таксама заслужаны калектыў Дзяржаўнай акадэмічнай харавой капэлы Р.Шырмы.-0
