ДЗЯРЖОРГАНЫДЗЯРЖОРГАНЫ
Флаг Субота, 1 кастрычніка 2022
Мінск +10°C
Усе навіны
Усе навіны
Культура
05 кастрычніка 2021, 17:56

Гомельскі маладзёжны тэатр прыедзе з гастролямі ў Віцебск

Фота з архіва
Фота з архіва

5 кастрычніка, Віцебск /Кар. БЕЛТА/. На сцэне Нацыянальнага акадэмічнага драматычнага тэатра імя Якуба Коласа 19-20 кастрычніка пройдуць гастролі Гомельскага гарадскога маладзёжнага тэатра. Віцебскаму гледачу прадставяць дзве вячэрнія пастаноўкі для дарослых і адзін дзённы спектакль для дзяцей, паведамілі БЕЛТА ў Коласаўскім тэатры.

У першы дзень публіку чакае п'еса "Дзядзька Ваня" Антона Чэхава. Твор напісаны больш за сто гадоў таму, але востра гучыць у нашы дні. Героі гэтай п'есы, як і іншых у Чэхава, шмат гавораць, думаюць і спрачаюцца. "Але ў спрэчцы нараджаецца ісціна. І не можа нарадзіцца, таму што гэта спрэчка-барацьба "старога" жыцця з "новым", у якім ніхто не чуе адзін аднаго, але ахвотна знаходзяцца вінаватыя. У выніку раздражняльны фактар знікне, адновіцца прывычны, руцінны ўклад, але здарэнні пакідаюць на ўсім адбітак трагічнасці, таму што жыццё гэтых людзей назаўсёды пакіне надзея на лепшае, асэнсаванае існаванне", - расказалі ў тэатры.

Гомельскі калектыў на 20 кастрычніка падрыхтаваў п'есу Альберта Герні "Сільвія". Рамантычная камедыя расказвае пра звычайную шлюбную пару. Дзеці раз'ехаліся, у Кэйт любімая работа і Шэкспір. У Грэга крызіс сярэдняга ўзросту з пытаннямі пра жыццё. Усё ідзе сваім парадкам, але раптам у жыцці мужа з'яўляецца сабака Сільвія, які выцясняе з жыцця Грэга руціну і жонку. Барацьба паміж старым і новым перарастае ў вайну не на жыццё, а на смерць. І Грэгу давядзецца зрабіць выбар. Чым закончыцца гісторыя, у якой муж узяў дадому бяздомнага сабаку без згоды жонкі, раскажуць гомельскія артысты.

Акрамя таго, 19 і 20 кастрычніка яны прапануюць для дзяцей казку "Давай гуляць!" паводле п'есы Аксаны Розум.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі