17 сакавіка, Мінск /Кар. БЕЛТА/. Майстар-клас па стварэнні шарнірнай папяровай лялькі адбудзецца 20 сакавіка ў 17.00 у мастацкай галерэі "Універсітэт культуры". Аб гэтым БЕЛТА паведамілі ва ўстанове.
"На працягу многіх тысячагоддзяў лялькі з'яўляюцца неад'емным атрыбутам жыцця чалавека. Іх стварэнне заўсёды прызнавалася найдалікатнейшым мастацтвам - майстры-лялечнікі здаўна шанаваліся ў грамадстве, а калекцыянеры і аматары былі гатовы аддаць немалыя грошы за тое, каб набыць ляльку, якая спадабалася, і папоўніць сваю калекцыю. Тэкстыльныя, фарфоравыя, драўляныя, папяровыя - лялькі былі прадметамі культу, цацкамі, рэкламнымі аб'ектамі, механічнымі атракцыёнамі і творамі мастацтва", - адзначылі арганізатары.
Мерапрыемства з'яўляецца часткай персанальнай выстаўкі Аляксандры Раманавай "Чароўных казак галасы". Яе графічныя работы знаходзяцца ў прыватных калекцыях у Беларусі, Швейцарыі, Ізраілі, Расіі.-0-
