8 снежня, Магілёў /Кар. БЕЛТА/. У Магілёўскім эканамічным прамыслова-тэхналагічным каледжы студэнты актыўна асвойваюць традыцыйнае беларускае рамяство - выцінанку, перадае карэспандэнт БЕЛТА.
Выцінанка - мастацтва выразання з паперы, якое зарадзілася ў Беларусі яшчэ ў XVI стагоддзі. Сёння яно перажывае другое нараджэнне: з амаль забытага бытавога ўпрыгажэння ператварылася ў трэнд, які натхняе моладзь і мастакоў. Беларуская выцінанка стала аб'ектам нематэрыяльнай культурнай спадчыны ЮНЕСКА. Гэта ўжо шосты элемент родам з Беларусі ў сусветным спісе нематэрыяльнай спадчыны.
"Раней нашы продкі ўпрыгожвалі з дапамогай выцінанкі вокны, таму што не ўсе маглі дазволіць сабе тэкстыльныя шторы. Выраб тканіны быў складаным і дарагім працэсам. Выцінанка ж - просты, эфектыўны і прыгожы спосаб упрыгожыць дом. Часцей за ўсё ёю дэкарыравалі вокны на Каляды, Новы год і Вялікдзень. Рабілі так званыя карункі - карункавыя выразныя кампазіцыі", - расказала выкладчык каледжа Данута Чэх-Астрашэўская.
Цяпер у каледжы выцінанкай займаецца каля 90 студэнтаў розных курсаў. Заняткі праходзяць у выглядзе творчага гуртка. Удзельнікі самі распрацоўваюць эскізы і выразаюць кампазіцыі, адмаўляючыся ад плагіяту на карысць аўтарскага падыходу.
"Мы вучымся спачатку на гатовых узорах, каб асвоіць тэхніку. А потым пераходзім да ўласных задумак. Гэта ўжо творчасць - складаная, але вельмі займальная", - падкрэсліла Данута Чэх-Астрашевская.
Нядаўна 30 работ студэнтаў увайшлі ў экспазіцыю выставы ў Магілёўскім абласным краязнаўчым музеі імя Я.Р. Раманава. Яшчэ некалькі экспанатаў упрыгожваюць сцены цэнтральнай гарадской бібліятэкі імя Карла Маркса ў час навагодніх выстаў дэкаратыўна-прыкладнога і выяўленчага мастацтва.
Студэнтка другога курса Марыя Суталічная займаецца выцінанкай крыху больш за два месяцы. "Мне захацелася ўспомніць дзяцінства - бо ўсе мы ў садзе і школе выразалі сняжынкі. А тут я адкрыла для сябе новае: цяпер малюю эскізы, выразаю, спрабую розныя тэхнікі. Акрамя выцінанкі, захапляюся вышыўкай, вязаннем, лепкай", - падзялілася Марыя.
Каледж ужо шмат гадоў удзельнічае ў фестывалях беларускай народнай творчасці, у тым ліку "Беларускі вянок", а студэнты - рэгулярныя пераможцы рэгіянальных і рэспубліканскіх конкурсаў, ад "Тэхна-ёлкі" да "Млына моды".
Такія ініцыятывы не толькі захоўваюць народныя традыцыі, але і натхняюць моладзь на творчае самавыяўленне праз родную культуру.-0-
Выцінанка - мастацтва выразання з паперы, якое зарадзілася ў Беларусі яшчэ ў XVI стагоддзі. Сёння яно перажывае другое нараджэнне: з амаль забытага бытавога ўпрыгажэння ператварылася ў трэнд, які натхняе моладзь і мастакоў. Беларуская выцінанка стала аб'ектам нематэрыяльнай культурнай спадчыны ЮНЕСКА. Гэта ўжо шосты элемент родам з Беларусі ў сусветным спісе нематэрыяльнай спадчыны.
"Раней нашы продкі ўпрыгожвалі з дапамогай выцінанкі вокны, таму што не ўсе маглі дазволіць сабе тэкстыльныя шторы. Выраб тканіны быў складаным і дарагім працэсам. Выцінанка ж - просты, эфектыўны і прыгожы спосаб упрыгожыць дом. Часцей за ўсё ёю дэкарыравалі вокны на Каляды, Новы год і Вялікдзень. Рабілі так званыя карункі - карункавыя выразныя кампазіцыі", - расказала выкладчык каледжа Данута Чэх-Астрашэўская.
Цяпер у каледжы выцінанкай займаецца каля 90 студэнтаў розных курсаў. Заняткі праходзяць у выглядзе творчага гуртка. Удзельнікі самі распрацоўваюць эскізы і выразаюць кампазіцыі, адмаўляючыся ад плагіяту на карысць аўтарскага падыходу.
"Мы вучымся спачатку на гатовых узорах, каб асвоіць тэхніку. А потым пераходзім да ўласных задумак. Гэта ўжо творчасць - складаная, але вельмі займальная", - падкрэсліла Данута Чэх-Астрашевская.
Нядаўна 30 работ студэнтаў увайшлі ў экспазіцыю выставы ў Магілёўскім абласным краязнаўчым музеі імя Я.Р. Раманава. Яшчэ некалькі экспанатаў упрыгожваюць сцены цэнтральнай гарадской бібліятэкі імя Карла Маркса ў час навагодніх выстаў дэкаратыўна-прыкладнога і выяўленчага мастацтва.
Студэнтка другога курса Марыя Суталічная займаецца выцінанкай крыху больш за два месяцы. "Мне захацелася ўспомніць дзяцінства - бо ўсе мы ў садзе і школе выразалі сняжынкі. А тут я адкрыла для сябе новае: цяпер малюю эскізы, выразаю, спрабую розныя тэхнікі. Акрамя выцінанкі, захапляюся вышыўкай, вязаннем, лепкай", - падзялілася Марыя.
Каледж ужо шмат гадоў удзельнічае ў фестывалях беларускай народнай творчасці, у тым ліку "Беларускі вянок", а студэнты - рэгулярныя пераможцы рэгіянальных і рэспубліканскіх конкурсаў, ад "Тэхна-ёлкі" да "Млына моды".
Такія ініцыятывы не толькі захоўваюць народныя традыцыі, але і натхняюць моладзь на творчае самавыяўленне праз родную культуру.-0-
Падпісвайцеся на нас у
