ДЗЯРЖОРГАНЫДЗЯРЖОРГАНЫ
Флаг Пятніца, 1 ліпеня 2022
Мінск Малавоблачна +19°C
Усе навіны
Усе навіны
Культура
03 лютага 2022, 17:57

Аўтографы беларускіх пісьменнікаў з прыватных калекцый прадстаўлены ў музеі Янкі Купалы

Фота з архіва
Фота з архіва

3 лютага, Мінск /Дзіяна Парневіч - БЕЛТА/. Выставачны праект "Аўтограф" адкрыўся сёння ў Дзяржаўным літаратурным музеі Янкі Купалы да 140-годдзя з дня нараджэння класіка, паведамілі БЕЛТА ва ўстанове культуры.

Увазе наведвальнікаў прадстаўлены залаты фонд музея - рукапісы паэта, яго сяброў і паплечнікаў. "Сёння ў Купалаўскім доме захоўваецца каля 1 тыс. аўтографаў паэта: чарнавыя і чыставыя рукапісы вершаў, пісьмы сябрам, подпісы на фатаграфіях, жартоўныя эпіграмы - сведчанні яркага і шматграннага жыцця творцы. Рукапісную спадчыну паэта, раздробленую ў гады Вялікай Айчыннай вайны, давялося збіраць у многіх краінах свету: Расіі, Украіне, Грузіі, Польшчы, Германіі", - расказалі ў музеі.

У экспазіцыі ўпершыню з прыватных калекцый прадстаўлены аўтографы пісьменнікаў Кандрата Крапівы, Петруся Броўкі, Сяргея Грахоўскага, Максіма Танка, Пімена Панчанкі, Івана Мележа, Івана Навуменкі, Уладзіміра Караткевіча і многіх іншых. Можна азнаёміцца з часткай выратаванага архіва паэта Аркадзя Куляшова.

Рэалізуецца выставачны праект "Аўтограф" напярэдадні Міжнароднага дня роднай мовы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі