19 лютага, Мінск /Кар. БЕЛТА/. Знойдзены абломкі пасажырскага самалёта ATR-72, які разбіўся 18 лютага ў іранскай правінцыі Ісфахан, паведамляе ТАСС.
Абломкі знойдзены каля горада Семіром. Іншыя падрабязнасці пакуль не паведамляюцца.
Пасажырскі самалёт ATR-72 авіякампаніі Aseman Airlines, які выконваў рэйс Тэгеран-Ясудж, знік з экранаў радараў праз 50 хвілін пасля ўзлёту. На борце самалёта знаходзіліся 66 чалавек - 60 пасажыраў, у тым ліку адно дзіця, і 6 членаў экіпажа. Пошук магчыма выжыўшых і абломкаў быў ускладнены з-за неспрыяльных умоў надвор'я.-0-