21 ліпеня, Мінск /Кар. БЕЛТА/. Землетрасенне магнітудай каля 7 балаў адбылося каля берагоў Турцыі і Грэцыі, паведамляюць інфармагенцтвы.
Землетрасенне адбылося ноччу каля 1.30 па мясцовым часе ў Эгейскім моры. Паводле розных ацэнак, яго магутнасць складала ад 6,7 да 6,9 бала.
Паводле даных сейсмолагаў, эпіцэнтр знаходзіўся за 10 км ад курортнага горада Бодрум на паўднёвым захадзе Турцыі і за 16 км ад грэчаскага вострава Кос, які таксама папулярны ў турыстаў. Ачаг падземных штуршкоў залягаў на глыбіні 10 км.
Паведамляецца аб больш як 120 пацярпелых і двух загінулых на грэчаскім востраве Кос, а таксама аб шпіталізацыі некалькіх жыхароў турэцкага горада Мугла і каля 70 пацярпелых у горадзе Бодрум. -0-
