18 студзеня, Масква /БЕЛТА - ТАСС/. Расія выступае за ўстараненне існуючых бар'ераў на шляху да фарміравання агульнай эканамічанй прасторы ў Еўразійскім эканамічным саюзе (ЕАЭС). Аб гэтым гаворыцца ў звароце прэзідэнта РФ Уладзіміра Пуціна да кіраўнікоў краін ЕАЭС у сувязі з прынятым расійскім бокам з 1 студзеня 2018 года старшынствам у вышэйшых органах Саюза.
"Захоўваючы пераемнасць у рабоце, важна прадаўжаць разам з партнёрамі па інтэграцыі ўстараняць існуючыя бар'еры, выключэнні і абмежаванні, якія перашкаджаюць фарміраванню агульнай эканамічнай прасторы. Нам трэба будзе актывізаваць намаганні па стварэнні адзіных рынкаў тавараў і паслуг, забяспечыць умовы для свабоднага руху капіталу і рабочай сілы", - гаворыцца ў звароце Уладзіміра Пуціна. Таксама прэзідэнт РФ заклікаў імкнуцца да правядзення ўзгодненай палітыкі ў прамысловасці і сельскай гаспадарцы, да развіцця імпартазамяшчэння, вытворчай і тэхналагічнай кааперацыі, ажыццяўлення значных праектаў па мадэрнізацыі транспартнай інфраструктуры, выбудоўванні эфектыўных лагістычных ланцужкоў і павышэнні транзітнага патэнцыялу Саюза.
"Важна прадаўжаць курс на збліжэнне валютна-фінансавай і грашова-крэдытнай палітыкі дзяржаў - членаў ЕАЭС і стварэнне ў перспектыве адзінага фінансавага рынку", - адзначыў расійскі лідар, заклікаўшы удзяліць асаблівую ўвагу павышэнню "ўзроўню даверу да банкаўскай сістэмы, абароны інтарэсаў грамадзян і дзяржаў ад дзеянняў, звязаных з легалізацыяй злачынных даходаў і фінансаваннем тэрарызму".
Уладзімір Пуцін асобна падкрэсліў неабходнасць "унутранай "данастройкі" ЕАЭС, забеспячэння ўсёабдымнага і безумоўнага выканання ўсімі дзяржавамі-членамі саюзных норм і ўзятых на сябе абавязацельстваў - нават калі гэта прадугледжвае карэкціроўку нацыянальных заканадаўстваў". Паводле яго слоў, толькі праз уніфікацыю нарматыўна-прававых баз можна дабіцца "правільнага і эфектыўнага функцыянавання адзіных рынкаў, гарантаваць свабоду перамяшчэння тавараў, паслуг, капіталаў і рабочай сілы". "Расія выступае за паслядоўнае ўмацаванне наднацыянальнага патэнцыялу Саюза, у прыватнасці, за пашырэнне ў гэтым кантэксце кампетэнцый Еўразійскай эканамічнай камісіі. Бо тым самым мы стымулюем далейшае збліжэнне эканомік краін Саюза і максімальна задзейнічаем іх магчымасці для вырашэння агульных інтэграцыйных задач", - канстатаваў прэзідэнт РФ.
Як лічыць Уладзімір Пуцін, за тры гады існавання ЕАЭС даказаў сваю грунтоўнасць і эфектыўнасць: павялічваюцца паказчыкі ўнутранага тавараабароту і аб'ёмы знешняга гандлю, паступальна ўмацоўваюцца пазіцыі пастаўшчыкоў з дзяржаў "пяцёркі" на рынках трэціх краін, паляпшаецца структура экспарту, у якім расце доля тавараў з высокай дабаўленай вартасцю. Акрамя таго, ствараюцца новыя сумесныя прадпрыемствы, запускаюцца перспектыўныя інвестыцыйныя праекты, наладжваецца цесная прамысловая кааперацыя і пашыраецца асартымент вырабляемай на тэрыторыі Саюза прадукцыі, што дае спажыўцам доступ да больш якасных і недарагіх тавараў і паслуг.
"Упэўнены, што нам пад сілу не толькі захаваць набраныя тэмпы росту, але і забяспечыць далейшае развіццё ЕАЭС. Для гэтага неабходна зірнуць на інтэграцыйны праект шырэй - ставіць перад сабой і рэалізоўваць амбіцыйныя інтэграцыйныя задачы, асвойваць новыя напрамкі і сферы супрацоўніцтва. Трэба зрабіць так, каб усе грамадзяне нашых дзяржаў добра разумелі і падзялялі пастаўленыя перад Саюзам мэты, актыўней далучаліся да іх вырашэння, звязвалі свае перспектывы і дабрабыт непасрэдна з Еўразійскім эканамічным саюзам", - адзначыў расійскі лідар.
Паводле слоў Уладзіміра Пуціна, Расія адносіцца да ЕАЭС як да важнейшага рэгіянальнага інтэграцыянага аб'яднання, якое садзейнічае збліжэнню эканомік уваходзячых у яго краін і іх устойліваму развіццю ў інтарэсах росту дабрабыту людзей. "Таму ў перыяд свайго старшынства Расія мае намер нараўне з паслядоўным выкананнем раней дасягнутых у рамках ЕАЭС дамоўленасцей і прынятых рашэнняў удзяляць прыярытэтную ўвагу насычэнню парадку дня тымі ініцыятывамі і праектамі, цікавасць да якіх праяўляюць прадстаўнікі дзелавых, экспертных і навуковых колаў, дзеячы культуры, моладзь", - сказаў на заканчэнне прэзідэнт РФ. Таксама Расія мае намер зрабіць акцэнт на далейшае паглыбленне міжрэгіянальнага і прыгранічнага супрацоўніцтва дзяржаў Еўразійскага эканамічнага саюза, што павінна надаць дадатковы імпульс інтэграцыйным працэсам.
Уладзімір Пуцін разлічвае на супрацоўніцтва і садзейнічанне з боку іншых краін ЕАЭС у рэалізацыі ініцыятыў расійскага старшынства ў 2018 годзе.-0-
