23 красавіка, Мінск /Кар. БЕЛТА/. Колькасць загінулых пры стральбе ў кафэ ў амерыканскім Нэшвіле (штат Тэнесі) павялічылася да чатырох. Некалькі чалавек атрымалі раненні. Аб гэтым паведамляюць інфармагенцтвы.
Адзначаецца, што мужчына скрыўся з месца здарэння, яго пошукі прадаўжаюцца.
Напаўаголены мужчына адкрыў агонь у ноч на 22 красавіка ў штаце Тэнесі. Паводле даных паліцыі, нападаючы быў узброены штурмавой вінтоўкай AR-15. Спачатку ён застрэліў двух чалавек на паркоўцы кафэ Waffle House, а потым адкрыў агонь унутры. Тры чалавекі загінулі на месцы, чацвёрты быў шпіталізаваны і памёр у бальніцы. Правапарушальніку 29 гадоў, завуць яго Трэвіс Рэйнкінг. Паліцыя лічыць, што ў нападаючага могуць быць праблемы з псіхікай.
Паводле слоў спецыяльнага агента прадстаўніцтва Сакрэтнай службы ЗША ў Нэшвіле Тода Хадсана, злачынец мінулым летам спрабаваў трапіць на сустрэчу з прэзідэнтам ЗША Дональдам Трампам. Ён пракраўся ў закрытую зону каля Белага дома. Тады Трэвіс Рэйнкінг быў затрыманы, пры вобыску ў яго знайшлі і канфіскавалі чатыры віды агнястрэльнай зброі.-0-