27 чэрвеня, Мінск /Кар. БЕЛТА/. Ісландыя выбрала новага прэзідэнта - ім стаў гісторык Гудні Ёхансан, паведамляюць інфармагенцтвы.
Гудні Ёхансану 48 гадоў, ён выкладае ў адным з універсітэтаў Ісландыі, мае ступень доктара філасофіі.
Афіцыйнае ўступленне на пасаду намечана на 1 жніўня. Гудні Ёхансан зменіць на пасадзе прэзідэнта Алавура Рагнара Грымсана, які займае гэту пасаду з 1996 года (на цяперашніх выбарах ён вырашыў не вылучаць сваю кандыдатуру).
Паводле даных, агучаных пасля падліку ўсіх бюлетэняў, Ёхансан атрымаў 39,1 працэнта галасоў выбаршчыкаў.
Выбары ў прэзідэнты ў Ісландыі праходзяць у адзін тур. Пераможцам становіцца той, хто набраў большасць галасоў.-0-
